ZŠA patrabujuć poŭnaha vychadu Rasii ź sierbskaj naftavaj kampanii NIS
Złučanyja Štaty Amieryki patrabujuć poŭnaha vychadu rasijskaha kapitału ź sierbskaj naftavaj kampanii Naftna Industrija Srbije dla źniaćcia ź jaje sankcyj. Pra heta paviedamiła ministr hornazdabyŭnaj pramysłovaści i enierhietyki Sierbii Dubraŭka Džedavič-Chandanovič, piša Vreme.
NIS trapiła pad amierykanskija sankcyi ŭ pačatku 2025 hoda, adnak niekalki razoŭ uviadzieńnie sankcyj adkładałasia. Najbolšaja dola ŭ kampanii naležyć rasijskaj «Hazpram nafcie» — 44,85%, jašče 11,3% — «Hazpramu». Sierbii naležyć 29,87% arhanizacyi.
9 kastryčnika 2025 hoda NIS zajaviła ab ustupleńni ŭ siłu amierykanskich sankcyj suprać kampanii. U aficyjnaj zajavie arhanizacyi havaryłasia, što NIS tak i nie atrymała śpieclicenziju Minfina ZŠA dla bieśpierabojnaha viadzieńnia apieracyjnaj dziejnaści.
Pa słovach ministra, jurysty NIS źviarnulisia da ŭrada ZŠA, adnak amierykanskaja administracyja «ŭpieršyniu vyrazna i niedvuchsensoŭna zajaviła, što choča poŭnaj źmieny ŭłaśnikaŭ rasijskimi akcyjanierami».
Na 16 listapada zapłanavana pazačarhovaje pasiadžeńnie ŭrada Sierbii z udziełam prezidenta Alaksandra Vučyča, kab pryniać «niaprostaje rašeńnie» nakont mahčymaj nacyjanalizacyi kampanii.
NIS i naftapierapracoŭčy zavod pakul nie mohuć praciahvać pracu, bo ministerstva nie atrymała aficyjnaha dazvołu navat na «adzin dzień» raboty.
Naftna Industrija Srbije (NIS) zajmajecca raźviedkaj, zdabyčaj i pierapracoŭkaj nafty i pryrodnaha hazu. Akramia taho, kampanija ažyćciaŭlaje zbyt naftapraduktaŭ i praduktaŭ hazu, a taksama zajmajecca realizacyjaj prajektaŭ u halinie naftachimii i enierhietyki.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary