Tramp, Pucin, homaseksualnyja kantakty i inšyja brudnyja namioki — u ZŠA apublikavali 20 tysiač fajłaŭ Epštejna
Niadaŭniaja publikacyja častki listoŭ Epštejna zapuściła varjackija teoryi pra seksualnyja adnosiny pamiž Trampam i Biłam Klintanam.
12 listapada ŭ ZŠA apublikavali 20 000 fajłaŭ hvałtaŭnika i suteniora Džefry Epštejna. Siarod ich — dziasiatki listoŭ, źmiest jakich vielmi niepryjemny dla prezidenta ZŠA Donalda Trampa. U pierapiscy z členami siamji, siabrami i saŭdzielnikami Epštejn robić pra Trampa davoli dziŭnyja namioki. Niezrazumieła, havorka idzie pra sapraŭdnuju kampramietujučuju infarmacyju ci pra niaŭdałyja žarty, piša BILD.
U lutym 2017 hoda Epštejn piša elektronny list byłomu ministru finansaŭ Łary Samersu:
«Ja sustrakaŭ vielmi drennych ludziej, ale nichto nie nastolki drenny, jak Tramp. Nivodnaj prystojnaj kletki niama ŭ jaho ciele…»
U 2018 hodzie ŭ adnym SMS asobie z schavanym u dakumientach imiem Epštejn kaža pra Trampa (tady išoŭ jaho pieršy prezidencki termin):
«Ja adziny, chto moža jaho zrynuć».
U inšym vypadku Epštejn pierapisvajecca sa svaim bratam Markam u sakaviku 2018 hoda:
Mark: Jak ty?
Džefry: Usio dobra. Benan u mianie.
Mark: Spytaj jaho, ci jość u Pucina fatahrafii Trampa, jak jon robić Bubie minet.
U sacsietkach pamnažajucca zdahadki, pra kaho havorać Epštejny. Z Benanam usio zrazumieła — heta daradca Trampa. A «Buba» (Bubba) — heta łaskavaje proźvišča dla chłopčykaŭ u razmoŭnaj anhlijskaj u ZŠA.
A jašče tak zvali eks-prezidenta Biła Klintana, jaki taksama byŭ niejak źviazany z Epštejnam.
Mark Epštejn zajaviŭ u Newsweek, što da Klintana hetaje vykazvańnie dačynieńnia nie maje, ale raskryvać, kaho jon mieŭ na ŭvazie, nie staŭ. A druhoha surazmoŭcu — Džefry Epštejna — spytać užo nie atrymajecca, jon pamior u 2019 hodzie ŭ turmie.
Tramp taksama ničoha nie prajaśniaje. Jon nieadnarazova dystancyjavaŭsia ad Epštejna, pramych dokazaŭ jaho dačynieńnia da jakich-niebudź seksualnych złačynstvaŭ niama.
Kamientary
Varjatskija teoryi jakija raspaŭsiudžvaje NN)
Kali heta adbudziecca znoŭ, ja ŭpeŭniena skažu, što my žyviem u symulacyi.