Viarchoŭny sud nie budzie karać čałavieka, kali toj maciukniecca, spatyknuŭšysia ab bardziur
U Viarchoŭnym sudzie rastłumačyli, kali vykarystańnie niecenzurnaj leksiki moža ličycca drobnym chulihanstvam. Sudździa Dźmitryj Ułoha adznačyŭ, što lubyja naŭmysnyja dziejańni, jakija parušajuć hramadski paradak i śviedčać pra jaŭnuju niepavahu da hramadstva, u tym liku łajanka ŭ hramadskim miescy, traplajuć pad takuju kvalifikacyju. Ale jość i niuansy, piša BiełTA.
Pa słovach Dźmitryja Ułohi, kali hrubuju niecenzurnuju łajanku čujuć inšyja ludzi, heta pavinna razhladacca jak drobnaje chulihanstva. Za pieršaje paŭhodździe 2025 hoda za takija pravaparušeńni aštrafavali bolš za 4 tysiačy čałaviek, i bolš za pałova vypadkaŭ była źviazanaja mienavita z łajankaj. Heta abviarhaje śćviardžeńni, što za łajanku nibyta pierastali pryciahvać da adkaznaści.
Adnak nie kožnaje niecenzurnaje słova aŭtamatyčna źjaŭlajecca chulihanstvam. Kab ličyć jaho takim, pavinien być šerah prykmiet: dziejańnie ździejśniena śviadoma, u hramadskim miescy i demanstruje niepavahu da inšych. Naprykład, vypadkovaja łajanka čałavieka, jaki spatyknuŭsia ŭ pustym ciomnym zavułku, naŭrad ci paciahnie za saboj adkaznaść.
Sud u kožnaj situacyi aceńvaje abstaviny: jak i pry jakich umovach heta adbyłosia, jak uspryniali inšyja. Zakon dazvalaje karać za drobnaje chulihanstva, kali pavodziny byli pakaznyja i parušali spakoj hramadzian.
Kali ž sudździa prychodzić da vysnovy, što parušeńnie niaznačnaje i istotna nie zakranuła inšych ludziej, jon moža abmiežavacca papiaredžańniem. Dźmitryj Ułoha padkreśliŭ, što niecenzurnaja leksika ŭsio adno nieprymalnaja i ŭ hramadstvie važna vychoŭvać niehatyŭnaje staŭleńnie da takich pavodzin.
Minčuka pasadzili na 10 sutak za toje, što paŭdzielničaŭ u konkursie treš-błohiera Mellstroy
U Łatvii zaviali kryminalnuju spravu na mužčynu, jaki abražaŭ u ciahniku ŭ Šviejcaryi ŭkrainska-biełaruskuju siamju
U Biełarusi «voźmuć pad kantrol» leksiku rekłamy, nazvaŭ ustanoŭ i najmieńniaŭ tavaraŭ
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary