U Litvie praviali śpiecapieracyju pa pošuku i zatrymańni ludziej, źviazanych z kantrabandaj
17 listapada ŭ Litvie praviali bujnuju śpiecapieracyju, jakuju kaardynavała Słužba achovy dziaržaŭnaj miažy. Jaje zajaŭlenaja meta — spynić kantrabandu, što pierakidajecca ź Biełarusi ŭ Litvu pavietranymi šarami, i znajści ludziej, jakija hetym zajmajucca.
U apieracyi, jak paviedamlajecca, udzielničali bolš za 100 supracoŭnikaŭ roznych siłavych struktur. Jany praviali bolš za 30 pieratrusaŭ u Vilni, Druskienikach, a taksama ŭ Aranskim i Salečnickim rajonach, zrabiŭšy šerah inšych śledčych dziejańniaŭ.
Ministr unutranych spraŭ Litvy Uładzisłaŭ Kandratovič adznačyŭ, što ŭzmacnieńnie kryminalnaj raźviedki i ciesnaje supracoŭnictva pamiž słužbami daje dobryja vyniki i pasyłaje vyrazny sihnał arhanizataram kantrabandy.
Padčas apieracyi znajšli dziasiatki GPS-pryład, jakija vykarystoŭvali dla kiravańnia kantrabandnymi pavietranymi šarami, srodki suviazi, mabilnyja telefony. Taksama byli znojdzienyja ahniastrelnaja zbroja i patrony, narkotyki, kantrabandnyja cyharety, aŭtamabili i inšyja srodki, što vykarystoŭvalisia ŭ złačynnaj dziejnaści.
Litoŭskija siłaviki zatrymali jak kantrabandu, pierakinutuju ź Biełarusi pavietranym šlacham, tak i padazravanych asob. Pavodle prahnozaŭ, koła padazravanych moža pašyrycca, bo apieracyja jašče praciahvajecca.
Pavodle danych na hety momant, užo vyznačyli bolš za sto čałaviek, źviazanych ź pierakidańniem cyharet pavietranym šlacham. Sioleta kala 80% nielehalnych cyharet, što trapili ŭ Litvu ź Biełarusi, byli dastaŭlenyja mienavita tak — z dapamohaj pavietranych šaroŭ abo dronaŭ. Usiaho było zatrymana bolš za 1,3 miljona pačkaŭ cyharet.
Ministerstva ŭnutranych spraŭ Litvy inicyjavała źmieny ŭ zakanadaŭstvie, kab uzmacnić adkaznaść za takuju dziejnaść.
U Litvie zatrymali jašče troch čałaviek, źviazanych z kantrabandaj z dapamohaj pavietranych šaroŭ ź Biełarusi
U Vilni pieravozčyki zładzili cichuju akcyju ŭ suviazi z błakavańniem litoŭskich fur u Biełarusi
Litoŭskija pamiežniki zładzili pahoniu za kantrabandystami, dahnali ŭ čystym poli
U Litvie zatrymali troch čałaviek, jakija padazrajuć u spryjańni kantrabandzie ź Biełarusi
Kamientary
> "dziasiatki GPS-pryład, jakija vykarystoŭvali dla kiravańnia kantrabandnymi pavietranymi šarami"
Imi kiravać niemahčyma. Razmova, chutčej za ŭsio, pra majački, jakija praz GPRS pieradajuć svaje GPS-kaardynaty.