Biełarus adsudziŭ vialikuju kampiensacyju za staryja knihi, jakija papsavaŭ pradaviec
Uładalnik starych knih pieradaŭ ich firmie pa damovie kamisii, kab taja pradavała ich i harantavała zachavanaść. U kastryčniku 2023 hoda jon takim čynam addaŭ 37 knih, častka jakich mieła status kulturnaj kaštoŭnaści. Kampanija pavinna była pradać ich ciaham 90 dzion, ale pradała nie ŭsie, paviedamlaje Viarchoŭny sud.
Kali termin minuŭ, mužčyna paprasiŭ viarnuć toje, što nie pradali. Knihi Vilhielma Viehniera «Ełada» i Ivana Bažaranava «Hraf Jahor Francavič Kankryn», vydadzienyja ŭ XIX stahodździ, jon pryniać nazad admoviŭsia, bo jany viarnulisia ŭ paškodžanym stanie. Ekśpiertyza zaśviedčyła, što psavańnie adbyłosia praź nienaležnaje zachoŭvańnie.
Uładalnik knih źviarnuŭsia ŭ sud z patrabavańniem spahnać ź firmy 4,8 tysiačy rubloŭ materyjalnaj škody i 3 tysiačy rubloŭ — za maralnuju škodu.
Sud vyznačyŭ pamier strataŭ na padstavie ekśpiertyzy i pastanaviŭ spahnać z kampanii 3,6 tysiačy rubloŭ kampiensacyi za paškodžańnie, 500 rubloŭ maralnaj škody, bolš za 2 tysiačy rubloŭ na jurydyčnuju dapamohu i 308 rubloŭ dziaržpošliny.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary