Biełaruski handbalist nie moža hulać u partuhalskim kłubie praz prablemy z dakumientami
Handbalist partuhalskaha kłuba «Bienfika» ź Lisabona i zbornaj Biełarusi Mikita Vajłupaŭ u siabie ŭ sacsietkach raskazaŭ, što ŭ apošni čas vymušany byŭ prapuścić niekalki matčaŭ svajoj kamandy, pakolki ŭ jaho ŭźnikli prablemy sa znachodžańniem na terytoryi hetaj krainy. Ciapier Mikita trenirujecca ź sierbskaj «Vajvodzinaj» i pravodzić majstar-kłasy dzieciam u akademii kłuba, piša sajt «Bystryj cientr».
«Pryčyna, pa jakoj mianie niama ŭ składzie, zaklučajecca ŭ tym, što ŭ mianie była vienhierskaja viza. Paśla tydnia, praviedzienaha ŭ nacyjanalnaj kamandzie, kali ja viarnuŭsia, termin dziejańnia hetaj vizy skončyŭsia z-za vienhierskich pravił, pakolki ja bolš nie pracavaŭ u krainie [raniej Vajłupaŭ try hady hulaŭ u vienhierskim kłubie «Viesprem», a kantrakt z «Bienfikaj» padpisaŭ u lipieni 2025 hoda. — Red.].
Ja kazaŭ pra heta kiraŭnictvu « Bienfiki «na praciahu troch miesiacaŭ u Partuhalii, ale da hetaha času ŭ mianie niama nijakich aficyjnych partuhalskich dakumientaŭ, kab pradstaŭlać»Bienfiku»! I ja ŭžo prapuściŭ paru važnych matčaŭ u čempijanacie Partuhalii, u tym liku tych, pieramohi ŭ jakich mahli b dapamahčy nam zhulać u Lizie čempijonaŭ u nastupnym siezonie.
Čamu ja ŭ Sierbii? Tamu što ja prafiesijanał! Ja pavinien praciahvać svaju pracu ŭ lubych abstavinach. Być u najlepšaj formie, padtrymlivać svoj uzrovień. I ja chaču skazać vialiki dziakuj «Vajvodzinie», trenieru i chłopcam. Udziačny, što dali hetuju mahčymaść na dziesiać dzion!» — napisaŭ Mikita Vajłupaŭ.
Adznačym, što ŭ pieršy dzień poŭnamaštabnaha napadu Rasii na Ukrainu 24 lutaha 2022 hoda Mikita zaklikaŭ spynić vajnu.
«Usie krainy adzinyja. U nas adna mova i adna ahulnaja historyja. Spynicie vajnu! Vajna — heta zaŭsiody ślozy, straty i śmierci. Bieražycie siabie!» — napisaŭ tady Vajłupaŭ.
Cichanoŭskaja i Marynič źviarnulisia da ŭrada Partuhalii z prośbaj dapamahčy biełaruskim imihrantam
U Partuhalii admianiajuć abaronu dla biełarusaŭ, jakija vyjechali z Ukrainy padčas vajny
Były handbalist Rutenka raskazaŭ, jak katajecca pa Jeŭropie niahledziačy na sankcyi
Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan
Biełarus vyjhraŭ čempijanat Vienhryi pa handbole. Pryčym staŭ hałoŭnaj zorkaj u vyrašalnym matčy
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary