Chakiery ŭzłamali 120 000 chatnich kamier i pradavali ź ich sieksualny kantent
U Paŭdniovaj Karei aryštavali čatyroch čałaviek, jakija ŭzłamali bolš za 120 000 videakamier u damach i na pradpryjemstvach, kab stvarać sieksualny kantent dla zamiežnaha sajta, piša Bi-bi-si.
Palicyja abviaściła pra aryšty, zajaviŭšy, što abvinavačanyja skarystalisia ŭraźlivaściami IP-kamier, naprykład prostymi parolami.
IP-kamiery, taksama viadomyja jak chatnija kamiery, źjaŭlajucca tannaj alternatyvaj kłasičnamu videanazirańniu. Ich padklučajuć da internetu i zvyčajna staviać dla biaśpieki abo kantrolu za dziećmi i žyviołami.
Pravaachoŭniki paviedamili, što kamiery ŭzłamali ŭ pryvatnych damach, u karaokie-pakojach, u studyi piłatesu i ŭ hiniekałahičnaj klinicy.
U zajavie, apublikavanaj Nacyjanalnym ahienctvam palicyi Paŭdniovaj Karei, havorycca, što čaćviora padazravanych dziejničali niezaležna adzin ad adnaho i nie znachodzilisia ŭ zmovie.
Adnaho ź ich abvinavačvajuć va ŭzłomie 63 000 kamier i stvareńni 545 videarolikaŭ z seksualnaj ekspłuatacyjaj, jakija jon zatym pradaŭ za virtualnyja aktyvy. Inšy padazravany nibyta ŭzłamaŭ 70 000 kamier i pradaŭ 648 videa.
Dvoje padazravanych uziali na siabie adkaznaść prykładna za 62% videa, apublikavanych letaś na adnym sajcie, jaki niezakonna raspaŭsiudžvaŭ videa sa ŭzłamanych IP-kamier.
Palicyja ciapier prymaje miery dla błakavańnia i zakryćcia hetaha sajta, a taksama supracoŭničaje z zamiežnymi ahienctvami dla rasśledavańnia dziejnaści jaho apieratara. Taksama aryštavali troch čałaviek, jakich padazrajuć u kupli i prahladzie hetych materyjałaŭ.
«Uzłom IP-kamier i niezakonnaja zdymka nanosiać vielizarnyja pakuty achviaram i tamu źjaŭlajucca surjoznymi złačynstvami. My budziem vykaraniać ich z dapamohaj detalovych rasśledavańniaŭ», — skazaŭ Pak U Chion, kiraŭnik adździeła kibierrasśledavańniaŭ Nacyjanalnaha ahienctva palicyi.
«Prahlad i zachoŭvańnie niezakonna źniatych videa taksama źjaŭlajecca surjoznym złačynstvam, tamu my budziem aktyŭna rasśledavać i takija vypadki». Ułady asabista naviedali i paviedamiŭšy achviaram u 58 miescach, daŭšy im rekamiendacyi adnosna źmieny parolaŭ.
Jany taksama dapamahajuć achviaram vydalać i błakavać kantent i pracujuć nad vyjaŭleńniem inšych ludziej, jakija mahli paciarpieć.
«Pierš za ŭsio, nadzvyčaj važna, kab asobnyja karystalniki, jakija ŭstalavali IP-kamiery ŭ damach abo kamiercyjnych pamiaškańniach, zastavalisia pilnymi i nieadkładna i rehularna źmianiali svaje paroli dostupu», — havorycca ŭ zajavie palicyi.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod13
Kamientary