Narviehija buduje samy doŭhi i hłyboki padvodny aŭtamabilny tunel u śviecie
Praciahłaść aŭtamabilnaha tunela Rogfast składzie 27 kiłamietraŭ, a maksimalnaja hłybinia — 392 mietry nižej za ŭzrovień mora. Prajektam praduhledžany dźvie asobnyja truby z čatyrma pałosami ruchu i ŭnikalnaja padvodnaja kalcavaja raźviazka.
U Narviehii realizujecca hrandyjozny inžynierny prajekt, jaki nazaŭždy źmienić transpartnuju sistemu zachodniaha ŭźbiarežža krainy. Jak paviedamlaje CNN, jon pavinien skaracić čas u darozie pamiž bujnymi haradami i stać častkaj mahistrali biez paromaŭ.
Tunel atrymaŭ nazvu Rogfast. Heta skarot ad vyrazu «Rogaland fastforbindelse», utvorany ad nazvy rehijonu Ruhałan i narviežskaha termina, jaki značyć «stałaje złučeńnie». Jaho daŭžynia składzie 27 kiłamietraŭ, a ŭ samym hłybokim punkcie jon projdzie na 392 mietry nižej za ŭzrovień mora. Padvodnych darožnych tunelaŭ takoha maštabu ŭ śviecie jašče nie było.
Pieršyja raboty pačalisia jašče ŭ studzieni 2018 hoda, adnak u kancy 2019 hoda budaŭnictva było prypyniena praz prahnazavanaje pieravyšeńnie biudžetu. Paśla pierahladu kantraktaŭ i restrukturyzacyi prajekta pracy adnavilisia ŭ kancy 2021 hoda. Ahulny košt budaŭnictva aceńvajecca prykładna ŭ 25 miljardaŭ narviežskich kron (kala 2,4 miljarda dołaraŭ).
Rogfast pavinien istotna palepšyć suviaź uzdoŭž zachodniaha ŭźbiarežža Narviehii. Hałoŭnaja praktyčnaja meta — zamianić siońniašnija paromnyja pierapravy. Heta dazvolić skaracić čas u darozie pamiž bujnymi haradami Bierhien i Stavanhier (adpaviedna druhim i čaćviortym pa kolkaści nasielnictva haradami krainy) prykładna na 40 chvilin i zrobić štodzionnyja pajezdki pamiž imi značna praściejšymi.
Inžyniernyja vykliki i inavacyi
Pavodle prajekta, tunel budzie składacca ź dźviuch asobnych trub, u kožnaj ź jakich praduhledžana pa dźvie pałasy ruchu. Adnoj z samych cikavych detalaŭ źjaŭlajecca padvodnaja raźviazka: prykładna pasiaredzinie tunela, na hłybini 260 mietraŭ, budzie pabudavana «kalco», jakoje złučyć asnoŭnuju trasu z vostravam Kvitsioj — samaj maleńkaj kamunaj Narviehii.
Budaŭnictva takoj doŭhaj padvodnaj mahistrali patrabuje asablivaj techničnaj dakładnaści. Kab paskoryć pracu, tunel prabivajuć adnačasova z dvuch kancoŭ. Meta — kab dźvie kamandy sustrelisia ŭ centry z chibnaściu nie bolš za 5 santymietraŭ.
Takoj dakładnaści dasiahajuć praz składanuju sistemu vymiareńniaŭ. Śpiecyjalny łazierny skanier ź lusterkam krucicca i skanuje kožnuju niadaŭna vykapanuju častku tunela. Jon źbiraje kala 2 miljonaŭ kropak danych za siekundu i stvaraje «ličbavy dvajnik» tunela, jaki paraŭnoŭvajuć z prajektnymi płanami, kab adrazu vyjavić navat samyja drobnyja adchileńni.
Piacisantymietrovy dopusk — adzin z samych žorstkich u śviecie, ale jon ekanomić čas, hrošy i resursy. Kali adchilicca bolš, treba budzie vyvozić lišniuju parodu i potym zapaŭniać pustečy, a heta aznačaje rost vydatkaŭ.
Choć prajekt i ruchajecca napierad, nie abychodzicca bieź ciažkaściaŭ. Hałoŭnaj prablemaj źjaŭlajecca hiermietyzacyja skalnaj parody ad praciokaŭ salonaj vady pad vysokim ciskam.
Tunel taksama patrabuje mier pa abaronie aŭtamabilistaŭ ad zabrudžvańnia pavietra. U im ustalujuć składanuju sistemu vientylacyi. Mahutnyja vientylatary pavinny stvarać patok pavietra ŭzdoŭž trasy, a dadatkovy pavietraabmien zabiaśpiečyć viertykalnaja šachta, jakuju vyvieduć na pavierchniu vostrava Kvitsioj. Raźličvajecca, što takoje spałučeńnie harantuje biaśpieku i narmalnuju cyrkulacyju pavietra na ŭsim doŭhim maršrucie.
Akramia taho, płanujecca ŭkaranieńnie sistemy papiaredžańnia pra zdareńni ŭ režymie realnaha času (naprykład, pałomki abo zatory). Ruch buduć kantralavać kamiery i radary.
Breaking: Norway is building the world's longest and deepest undersea road tunnel. The Rogfast tunnel will stretch 26.7 km and reach 390–392 m below sea level, connecting key coastal cities and reducing reliance on ferries.
Follow: @globaltrendsX pic.twitter.com/DBKHK8MMVa
Upłyŭ na rehijon
Hety prajekt — klučavaja častka madernizacyi prybiarežnaj šašy E39 praciahłaściu 1100 kiłamietraŭ. Siońnia šlach pa hetaj trasie ad Tronchiejma na poŭnačy da Kryścijansanda na poŭdni zajmaje kala 21 hadziny i ŭklučaje siem paromnych pierapraŭ. Narviehija stavić pierad saboj ambicyjnuju metu: zrabić usiu darohu svabodnaj ad paromaŭ, skaraciŭšy čas padarožža napałovu. Zaviaršeńnie ŭsioj mahistrali płanujecca nie raniej za 2050 hod, ale Rogfast pavinien być hatovy ŭžo ŭ 2033 hodzie.
Čakajecca, što prajekt palepšyć łahistyku dla rybnaj pramysłovaści, źnizić vydatki biznesu i pašyryć rynak pracy, dazvalajučy ludziam lahčej dabiracca da pracy i vučoby ŭ susiednich rehijonach.
.@SkanskaGroup is leading project Rogfast, building the longest and deepest subsea road tunnel to unite Norway. Our measurement #technology is ensuring #precision and #safety every step of the journey.
Dive in to discover how: https://t.co/sPnUlBee6D pic.twitter.com/tDHZ5gz42d
Siońnia samy doŭhi ŭ śviecie tunel z padvodnym učastkam — heta Sejkan u Japonii. Z ahulnaj daŭžyni 53,85 kiłamietra na padvodnuju častku prypadaje 23,3 kiłamietra. Tunel pad Ła-Manšam karaciejšy (50,46 km), ale jaho padvodny adrezak dasiahaje 37,9 km.
Adnak jany pryznačany vyklučna dla čyhunačnaha transpartu. Akramia taho, Rogfast značna pieraŭzychodzić ich pa hłybini zalahańnia: Sejkan apuskajecca da 240 mietraŭ nižej za ŭzrovień mora, a tunel pad Ła-Manšam — da 115 mietraŭ.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary
Nado było na kakuju-to sosiedniuju stranu napasť. Vot tohda było by okiej...