Samaja vialikaja biełaruskamoŭnaja himnazija ŭ Minsku adznačyła 35‑hadovy jubilej
Uračystaje mierapryjemstva, pryśviečanaje 35‑hadovamu jubileju Minskaj himnazii № 4, adbyłosia 3 śniežnia, pišuć «Minsk-Naviny».
Padzieja sabrała nastaŭnikaŭ, vieteranaŭ piedahahičnaj pracy, sioletnich vučniaŭ i ich baćkoŭ, a taksama vypusknikoŭ roznych hadoŭ i hanarovych haściej.
— Ja, jak kiraŭnik, pastaviŭ zadaču, kab hetaje śviata nie prosta adśviatkavali jak dzień naradžeńnia, a kab kožny čałaviek, jaki pracuje, vučycca i źviazany z našaj himnazijaj, daviedaŭsia, jašče raz uspomniŭ jaje historyju, — raspavioŭ dyrektar himnazii Andrej Hocman. — Nu i, viadoma, samaja hałoŭnaja zadača — heta padzialicca tymi dasiahnieńniami, što my majem na siońniašni dzień.
U 2024 hodzie himnazija №4 atrymała zvańnie «Lidar staličnaj adukacyi». Navučańnie tut pravodzicca na biełaruskaj movie.
— Na siońniašni dzień u nas samaja vialikaja biełaruskamoŭnaja himnazija ŭ horadzie. U nas navučajecca 945 čałaviek, — adznačyŭ Hocman. — Z 47 vypusknikoŭ hetaha hoda 10 čałaviek atrymali załaty miedal i adzin — siarebrany. Z hetaha hoda ŭviali vyvučeńnie kitajskaj movy. Taksama adkryty inžyniernyja kłasy.
U himnazii jość estetyčny napramak. U druhoj pałovie dnia junaki zajmajucca pa kłasach bajana, skrypki, akardeona, cymbałaŭ i inš. Pracuje ŭzorny chareahrafičny ansambl «Dzieńnica», jaki źjaŭlajecca łaŭreatam roznych konkursaŭ.
Pavinšavaŭ kalektyŭ himnazii staršynia Minharsavieta Arciom Curan.
— Vaša himnazija — adzin z fłahmanaŭ i zachavalnikaŭ tradycyj biełaruskaj movy, biełaruskich tradycyj. Chaču skazać dziakuj našym pavažanym piedahoham, pavažanym vieteranam haliny, dziakujučy namahańniam jakich u nas u krainie vybudavałasia svaja suvierennaja sistema adukacyi. I ŭžo treci dziasiatak hadoŭ my vychoŭvajem i vučym usio novyja i novyja pakaleńni našaj krainy. A jašče jość nahoda skazać słovy padziaki ŭsim piedahoham ustanovy adukacyi za toj duch, za tyja tradycyi, jakija zachoŭvajucca ŭ himnazii na praciahu ŭžo 35 hadoŭ, — skazaŭ Curan.
Na śviacie ŭšanoŭvali tych, chto pryśviaciŭ svajo žyćcio vychavańniu padrastajučaha pakaleńnia. Mnohija piedahohi byli adznačany hanarovymi hramatami.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary