U Biełarusi stali pradavać bankaŭskija kartki na zapraŭkach i ŭ supiermarkietach
BSB Bank zapuściŭ u Biełarusi novy farmat absłuhoŭvańnia — imhniennyja bankaŭskija kartki, jakija možna kupić prosta na kasach kram i AZS. Pra heta raspaviali Office Life u pres-słužbie banka.
Kartki pradajuć na kasach sietki kram «Unistore opt&roźnica», «Siem piatnic XXL» i na zapraŭkach «A-100».
U vyniku klijentu bolš nie treba naviedvać adździaleńnie, čakać vypusku kartki abo afarmlać zajaŭku zahadzia. Ciapier možna kupić jaje na kasie i aktyvavać praz mabilny dadatak. Paśla pakupki spatrebicca niekalki dziejańniaŭ: prajści chutkuju rehistracyju ŭ mabilnym dadatku banka, adkryć kart-rachunak i aktyvavać kartku. Ale hety praces poŭnaściu dystancyjny, biez čakańnia ŭ adździaleńni i zapaŭnieńnia ankiet.
Prykmietna, što kartku možna kupić nie tolki dla siabie, ale i dla blizkich ludziej, jakija nie mohuć samastojna aformić jaje ŭ adździaleńniach banka.
Idzie havorka pra imhniennuju nieimiannuju bankaŭskuju kartku Visa Classic Instant u biełaruskich rublach. Jana vykanana ŭ dyzajnie ad BSB Banka ŭ vyhladzie plitki šakaładu. Kartka pracuje z zamiežnymi servisami i terminałami, padtrymlivaje Apple Pay, Swoo Pay, Xiaomi Pay i Samsung Pay.
U banku zajavili, što «pastavili pierad saboj zadaču prybrać lubyja barjery pamiž klijentam i bankaŭskim praduktam». Uładalniki kartki aŭtamatyčna atrymlivajuć dostup da servisu pa kantroli padpisak praz mabilny dadatak BSB Banka, a taksama stanoviacca ŭdzielnikami jaho prahramy łajalnaści «Kvietka».
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu8
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary
A što nałohi nie upłačyvajucca, tak vy žie vsie ździeś hramatnyje, zakony znajecie. Kto dał dzieńhi v moc prezidzienckij fond, tot ot nałohav asvabaždajecca.