U Šumilinie zaviali kryminalnuju spravu na 41‑hadovuju žančynu. Joj inkryminujecca arhanizacyja i vykarystańnie dla zaniaćcia prastytucyjaj zaviedama niepaŭnaletniaha, paviedamili ŭ Śledčym kamitecie.
U vieraśni 2025 hoda miascovy žychar znachodziŭsia ŭ svaim haražy i ŭbačyŭ, jak u susiedniaje pamiaškańnie ŭvajšli darosły mužčyna i dziaŭčynka. Pačuŭšy kryki: «Nie! Nie treba!», vidavočca zazirnuŭ unutr i vyklikaŭ supracoŭnikaŭ pravaachoŭnych orhanaŭ, piša SK.
U 62‑hadovaha mužčyny i 16‑hadovaj dziaŭčyny śledčym byli kanfiskavany mabilnyja telefony. Analiz pierapiski pakazaŭ: padletak sistematyčna akazvała intymnyja pasłuhi za hrošy, a arhanizataram hetaha akazałasia jaje maci.
Śledstvam ustanoŭlena, što 41‑hadovaja žančyna asabista zajmałasia anałahičnaj dziejnaściu i ŭciahnuła ŭ jaje dačku.
Mienavita jana znajomiła dziaŭčynku z klijentami, siarod jakich mužčyny va ŭzroście ad 35 da 79 hadoŭ. Usie zaroblenyja srodki niepaŭnaletniaja pieradavała maci.
Padčas dopytu padazravanaja patłumačyła, što ideja vykarystoŭvać dačku ŭźnikła paśla prośby adnaho z klijentaŭ paznajomić jaho ź dziaŭčynkaj.
Na 41‑hadovuju žančynu pačali kryminalnuju spravu pa č.2 art. 171 (arhanizacyja i vykarystańnie dla zaniaćcia prastytucyjaj zaviedama niepaŭnaletniaha) Kryminalnaha kodeksa Respubliki Biełaruś. Artykułam praduhledžana pakarańnie ŭ vyhladzie pazbaŭleńnia voli na termin ad piaci da dziesiaci hadoŭ sa štrafam.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary
Va ŭsim vinavaty - muž! Jaki albo nie vytrymaŭ i syšoŭ ad takoj larvy, albo nie dastatkova finansava zabiaśpiečvaŭ usie ich z dačkoju chaciełki.