Biełaruska zhulała viasielle za 10 tysiač dalaraŭ. Za što takija hrošy?
Karystalnica TikTok Maryja raskazała pra vydatki na viasielle. Na ŭračystaści prysutničali 50 čałaviek, śviatkavali ŭ Minsku, a ŭračystaść kaštavała błohiercy bolš čym 10 tysiač dalaraŭ, piša Blizko.by.
Bolšaja častka vydatkaŭ — bankiet u staličnym restaranie «Astoryja». Ale Maryja pryznałasia, što tut byŭ ichni z žanichom pralik. Pakolki bolšaść haściej jechali ź inšych haradoŭ, para bajałasia, što tyja buduć vielmi hałodnymi, tamu maładyja pierapłacili za stravy, jakija ŭ vyniku nichto nie paspytaŭ.
Daśviedčany viadoŭca razam z dydžejem, videaekranam i muzykaj kaštavali prykładna tysiaču dalaraŭ. Fatohraf — 600, a videjohraf — 400 dalaraŭ sa źnižkaj.
Akramia taho, para zamoviła ryłśmiejkiera za 350 dalaraŭ — vybrali samy darahi pakiet, kab zdymka išła z ranicy i da samaha kanca śviata.
Pakolki ŭ pary nie było vyjaznoj cyrymonii, to ŭpryhožvali maładyja tolki zału, stały i fotazonu, što kaštavała prykładna 700‑750 dalaraŭ. Pavodle słovaŭ dziaŭčyny, zała, dzie prachodziła viasielle, akazałasia davoli ciomnaj, tamu daviałosia brać jašče i premijalny pakiet śvietłavych pryboraŭ za 500 dalaraŭ.
Asobnyja artykuły vydatkaŭ — padarunki haściam i baćkam, vełkam-zony, bukiety: na heta pajšło kala tysiačy. Vobraz niaviesty — 800 dalaraŭ, a ŭbor žanicha — 500.
Akramia taho, u vynikovuju sumu ŭvajšli vydatki na arendu hatela, transpart dla maładych i haściej, a taksama na saksafanista padčas furšetu.
Maryja ŭpeŭnienaja, što ceńnik na viasielle ŭ 10‑15 tysiač dalaraŭ dla stalicy — całkam narmalna. Adnak u kamientarach znajšlisia tyja, chto nie pahadziŭsia ź dziaŭčynaj i pradstavili svaje vydatki na viasielnyja ŭračystaści:
- «Za 7,5 tysiačy zhulali viasielle ŭ Minsku z vyjaznoj rehistracyjaj na 51 čałavieka ŭ «Prezident hateli». Supier było»;
- «3 tysiačy pajšło na viasielle. Restaran top, ježa top, usio top. Tak što možna mienš za 10 tysiač».
Byli i tyja, chto vykazaŭ ździŭleńnie nakont vydatkaŭ. Na dumku karystalnikaŭ, na hetyja hrošy lepš było b pajechać u adpačynak abo kupić aŭtamabil.
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie
Natalla Padolskaja zładziła viasielle ŭ druhi raz. U hości pryjšli Z-artysty i navat Piaskoŭ
Ksienija Lebiedzieva treci raz vyjšła zamuž. Za kaho? FOTY
Kolki sioleta kaštuje zrabić viasielle ŭ Minsku? Realnyja ličby ad tych, chto niadaŭna schadziŭ u ZAHS
Biełaruscy na viasielle padaryli 123‑hadovuju vialikuju załatuju manietu. Viedajecie, kolki jana kaštuje ciapier?
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary