Dla biełarusaŭ u roŭminhu ŭ Rasii chutka skasujuć «pieryjad astudžeńnia»
Ministerstva suviazi paviedamiła, što biełarusy chutka zmohuć karystacca internetam u rasijskim roŭminhu bieź nieabchodnaści čakać 24 hadziny. Jak zajaviŭ pieršy namieśnik ministra suviazi Pavieł Tkač, Rasija amal zaviaršyła testavańnie sistemy, jakaja zdymie tak zvany «pieryjad astudžeńnia» dla hramadzian Biełarusi. Zamiest sutačnaha čakańnia budzie vykarystoŭvacca kapča.
Pavodle słovaŭ Paŭła Tkača, try z čatyroch najbujniejšych apierataraŭ u Rasii ŭžo faktyčna ŭkaranili novy miechanizm. Čakajecca, što da kanca hoda pytańnie budzie vyrašana kančatkova.
Paradak budzie taki: kali biełarus pryjedzie ŭ Rasiju, jon atrymaje SMS sa spasyłkaj. Pierajšoŭšy pa joj, treba budzie ŭvieści kapču — zvyčajna heta prostyja ličby na malunku. Paśla pravilnaha ŭvodu dostup da internetu i inšych pasłuh adrazu adnovicca. Tkač adznačyŭ, što testavańnie ŭžo daje stanoŭčyja vyniki, choć novaja schiema pakul nie pracuje va ŭsich apierataraŭ.
«Pieryjad astudžeńnia» ŭ Rasii ŭviali dla abarony ad ukrainskich bieśpiłotnikaŭ. Jon raspaŭsiudžvajecca na ŭsich — i na rasijan, i na inšaziemcaŭ — i abmiažoŭvaje dostup da internetu i SMS na praciahu 24 hadzin paśla ŭklučeńnia sim-karty ŭ sietcy. Hałasavyja vykliki pry hetym dastupnyja.
Biełaruskija mabilnyja apieratary razam z rasijskimi partniorami ciapier pracujuć nad tym, kab biełarusy mahli zastavacca na suviazi biez hetych abmiežavańniaŭ.
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
U Rasii zabłakavali internet-roŭminh dla biełarusaŭ praz strach pierad ukrainskimi dronami. Ci dapamoža?
Biełarusam, jakija pryjeduć u Rasiju, buduć na pieršyja sutki adklučać internet
Śledam za błakavańniem miesiendžaraŭ u Rasii chočuć abmiežavać zvanki z SIM-kartaŭ, jakija znachodziacca ŭ roŭminhu
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary