Premjer Bielhii pryznaŭsia, što Rasija pahražała jamu asabista za zhodu na razmarožvańnie rasijskich aktyvaŭ
Premjer-ministr Bielhii Bart De Vievier paviedamiŭ, što Rasija pahražała jamu asabista ŭ vypadku kanfiskacyi zamarožanych rasijskich aktyvaŭ. Jeŭrakamisija apublikavała jurydyčnaje abhruntavańnie dla pieradačy Ukrainie 210 miljardaŭ jeŭra rasijskich reziervaŭ, ale Bielhija admoviłasia dać na heta zhodu. De Vievier adznačyŭ, što Maskva zajaviła — u vypadku kanfiskacyi Bielhija i jon asabista buduć adčuvać nastupstvy «viečna», piša The Moscow Times.
«Maskva dała nam zrazumieć, što ŭ vypadku kanfiskacyi Bielhija i ja asabista budziem adčuvać nastupstvy viečna. Zdajecca, heta davoli doŭha», — pracytavała bielhijskaje vydańnie La Libre vystupleńnie De Vieviera 1 śniežnia na katalickaj kanfierencyi.
Pa słovach De Vieviera, padčas vajny suvierennyja aktyvy zamarožvajucca, a paśla zakančeńnia kanfliktu kraina, jakaja prajhrała, pavinna častkova abo całkam admovicca ad ich, kab kampiensavać škodu. Adnak jon sumniavajecca, što Rasija sapraŭdy prajhraje va Ukrainie, bo heta moža pryvieści da niestabilnaści ŭ krainie ź jadziernaj zbrojaj.
Bielhija vystaŭlaje Jeŭrakamisii žorstkija ŭmovy dla zhody na pieradaču reziervaŭ, jakija zamarožanyja ŭ depazitaryi Euroclear. Dla praduchileńnia viartańnia srodkaŭ u Rasiju prapanujecca abhruntavać pieradaču jak «nadzvyčajnuju situacyju», vyklikanuju dziejańniami Rasii padčas vajny va Ukrainie. Heta dazvolić pryniać rašeńnie kvalifikavanaj bolšaściu — dźviuma tracinami hałasoŭ krain ES, a nie adnahałosna.
Vyšejšyja čynoŭniki ES pryznajuć, što rašeńnie budzie asprečana ŭ sudzie i, mahčyma, admieniena, ale inšych varyjantaŭ praktyčna niama. Były kiraŭnik jurydyčnaj słužby Rady ES Žan-Kłod Pirys adznačaje, što heta «vyklučnaja, vielmi składanaja situacyja», ale važnaść rašeńnia prymušaje jaho prasoŭvać, pakolki idzie vajna.
Kancler Hiermanii Frydrych Mierc u piatnicu prybudzie ŭ Brusiel, kab pierakanać De Vieviera pahadzicca na płan Jeŭrakamisii. Čas na dasiahnieńnie kampramisu vielmi abmiežavany — heta treba zrabić da samitu lidaraŭ ES 18 śniežnia. Mierc padkreśliŭ, što Bielhija nie moža spadziavacca tolki na palityčnyja abiacańni, a pieramovy pavinny pačacca i zaviaršycca jak maha chutčej.
Da krain, jakija błakujuć pryniaćcie novaha pakieta sancyj ES suprać Rasii, dałučyłasia Aŭstryja
«Zarablajcie, a nie vajujcie». Tramp i Uitkaf vierać, što Pucin moža pajści na mir dziela prybytkaŭ. Abo sami marać ab zysku
U Jeŭropie aburanyja namieram Trampa nahreć ruki na zamarožanych ES rasijskich aktyvach
Kiraŭnica Euroclear: Kali ES vyrašyć kanfiskavać rasijskija aktyvy, my źvierniemsia ŭ sud
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary