Ministerstva finansaŭ ZŠA časova adkłała častku sankcyj, nakładzienych na rasijskuju naftavuju kampaniju «Łukojł». Heta aznačaje, što aŭtazapraŭki kampanii za miežami Rasii zmohuć praciahvać pracu da 29 krasavika 2026 hoda, piša Deutsche Welle.
Dazvoł vydadzieny ŭ formie hienieralnaj licenzii, jakaja lehalizuje tranzakcyi hetych zapravak, kab «źmiahčyć škodu dla spažyŭcoŭ i pastaŭščykoŭ, jakija chočuć pravodzić zvyčajnyja tranzakcyi».
U ZŠA padkreślivajuć, što rašeńnie dazvalaje praciahvać pracu AZS «Łukojła» za miažoj, nie dapuskajučy pieravodu srodkaŭ u Rasiju, jakaja znachodzicca pad šyrokimi sankcyjami ZŠA i ES z pačatku poŭnamaštabnaha ŭvarvańnia va Ukrainu ŭ 2022 hodzie. Heta častkova prypyniaje miery, uviedzienyja ŭ kastryčniku prezidentam ZŠA Donaldam Trampam.
Paviedamlajecca, što rašeńnie było pryniata ŭ pačatku śniežnia, kali pradstaŭniki Biełaha doma sustrelisia z prezidentam Rasii Uładzimiram Pucinym u Maskvie. Heta sustreča mieła na mecie pošuk kampramisu adnosna ŭmoŭ spynieńnia vajny va Ukrainie.
Sankcyi suprać «Łukojła», «Rasnafty» i ich 34 daččynych kampanij byli ŭviedzienyja ŭ kastryčniku 2025 hoda ZŠA i Vialikabrytanijaj na fonie praciahłaj ahresii Rasii va Ukrainie. Heta byli adnyja z najbolš žorstkich mier suprać rasijskaj naftavaj industryi za apošni čas.
Mirny płan Trampa praduhledžvaje źniaćcie z Rasii sankcyj i jaje poŭnaje viartańnie ŭ suśvietnuju ekanomiku
Rasija stračvaje kantrol nad Uschodniaj Jeŭropaj — ale razmova nie pra Biełaruś
Bolšaść indyjskich naftapierapracoŭčych zavodaŭ admoviłasia ad novych zakupak rasijskaj nafty
«Łukojł» źbirajecca pradać svaje zamiežnyja aktyvy paśla ŭviadzieńnia amierykanskich sankcyj
Kitajskija naftavyja kampanii prypyniajuć zakupki rasijskaj nafty praz sankcyi suprać «Rasnafty» i «Łukojła»
Ciapier čytajuć
Zahinuŭ biełaruski dobraachvotnik Alaksiej Łazaraŭ6
Kamientary