3 śniežnia 2025 hoda pamior viadomy bałharski paet, publicyst i pierakładčyk Najdzien Vyłčaŭ. Jamu było 98 hadoŭ. Siarod inšaha jon šmat pierakładaŭ na bałharskuju movu tvoraŭ biełaruskich piśmieńnikaŭ, z mnohimi ź ich byŭ asabista znajomy.
Najdzien Vyłčaŭ naradziŭsia 30 žniŭnia 1927 hoda.
U 1951 hodzie skončyŭ jurydyčny fakultet Safijskaha ŭniviersiteta.
Paśla vučoby pracavaŭ u žurnalistycy: byŭ redaktaram vajskovych vydańniaŭ, a paźniej — supracoŭnikam i kiraŭnikom šerahu litaraturnych časopisaŭ, siarod jakich «Sieptiemvri» i «S'vriemieńnik». U kancy 1980‑ch uznačalvaŭ Sajuz pierakładčykaŭ Bałharyi, a ŭ 1990‑ch pracavaŭ dypłamatam.
Tvorčy šlach Vyłčava pačaŭsia jašče ŭ školnyja hady. Pieršy paetyčny zbornik vyjšaŭ u 1953 hodzie, a ŭ nastupnyja dziesiacihodździ źjaviłasia kala dvaccaci knih jaho vieršaŭ. Jon taksama pisaŭ dziciačuju litaraturu pad psieŭdanimam «Čyk Čyryk».
Jak publicyst Vyłčaŭ vydaŭ niekalki knih narysaŭ pra viadomych dziejačaŭ kultury roznych krain, u tym liku bałharskich, biełaruskich i rasijskich piśmieńnikaŭ.
Jon pierakładaŭ tvory mnohich słavianskich paetaŭ, u tym liku biełaruskich. Ź biełaruskaj litaratury siarod inšaha pierakłaŭ vieršy Janki Kupały, Jakuba Kołasa, Maksima Tanka, Pimiena Pančanki, Vasila Vitki, Anatola Vialuhina, Niła Hileviča, Hienadzia Buraŭkina, Anatola Viarcinskaha, apovieści Vasila Bykava. U svaju čarhu, biełaruskija paety — siarod ich Nił Hilevič i Hienadź Buraŭkin — pierakładali tvory samoha Vyłčava.
U 2000 hodzie vybranyja pierakłady Najdziena Vyłčava tvoraŭ ź biełaruskaj litaratury vyjšli asobnym vydańniem «Biełaruskata moja tietradka».
Ciapier čytajuć
Zahinuŭ biełaruski dobraachvotnik Alaksiej Łazaraŭ6
Kamientary
_________________________________________________________
Nu, nuuu - ledź-ledź nie chapiła! Blin, znoŭ promach!
Ja navat zdryhanuŭsia, ad takoj naviny, uspomniŭšy kaho stiendap-komik Słava Kamisarenka nazyvaŭ Čyk-Čyryk'am. Dyk heta ich Čyk-Čyryk pamior, a nie naš.
Dobra, čakajem dalej navin.