Supracoŭniki HUBAZiKa vyjavili hrupu z čatyroch biełarusaŭ i dvuch zamiežnikaŭ, jakija dapamahali pradstaŭnikam krain Siaredniaj Azii ŭjazdžać u Biełaruś, paviedamlaje pres-słužba MUS.
Jany na praciahu niekalkich hadoŭ za hrošy vyrablali i padavali ŭ dziaržaŭnyja ŭstanovy zaviedama padroblenyja dakumienty jak ad fiktyŭnych, tak i ad realnych rabotadaŭcaŭ. Takim čynam złamyśniki machlarskim sposabam zabiaśpiečvali nielehałam atrymańnie ŭjezdavych viz i dazvołaŭ na časovaje pražyvańnie ŭ Biełarusi. Paśla rehistracyi jany zastavalisia na terytoryi našaj krainy, ale zajmalisia inšaj dziejnaściu.
Papiarednie ŭstanoŭlena 120 čałaviek, jakija skarystalisia takimi pasłuhami.
Śledčymi zaviedziena kryminalnaja sprava za arhanizacyju niezakonnaj mihracyi. Padazravanyja zatrymanyja. Padčas vobšukaŭ pa miescach ich pražyvańnia kanfiskavany elektronnyja nośbity, dakumienty finansava-haspadarčaj i inšaj dziejnaści, bujnyja sumy najaŭnymi.
Kamientary