Abjadnany pierachodny kabiniet zaprašaje na akcyju suprać hibrydnych atak režymu. Akcyja projdzie ŭ niadzielu ŭ Vilni.
«U apošnija tydni my ŭsie bačym naviny pra mieteazondy, što zapuskaje režym Łukašenki, jakija traplajuć u pavietranuju prastoru Litvy. Heta stvaraje ryzyki dla palotaŭ: kraina vymušanaja začyniać aeraport z-za pahrozy ŭ niebie, tysiačy ludziej nie majuć mahčymaści patrapić dadomu i hadzinami zastajucca ŭ aeraportach z-za admieny ci pieranosu rejsa, u tym liku — biełarusy.
My viedajem, što ahresiŭnaja palityka Łukašenki nie adlustroŭvaje pazicyi ludziej. Naš narod zaŭsiody stavicca z pavahaj da inšych krainaŭ i choča padtrymlivać dobrasusiedskija adnosiny.
Dałučajciesia! Nam važna pakazać, što biełaruskaja supolnaść suprać pravakacyjaŭ režymu. My chočam, kab Biełaruś usprymałasia jak susied, ad jakoha niama ni pahrozaŭ, ni pravakacyjaŭ», — havorycca ŭ zvarocie APK.
Akcyja projdzie ŭ niadzielu. 7 śniežnia, kala pasolstva Biełarusi (vuł. Mindoŭha, 13). Pačatak a 13:30.
Prosiać prychodzić sa ściahami i płakatami.
Kamientary