Čynoŭniki patłumačyli, što stała z kaštoŭnym vałunom u Vilejcy
Hieałahičny pomnik pryrody respublikanskaha značeńnia, vałun «Lubiecki», byŭ pieraviezieny ź vioski Vutki Vilejskaha rajona ŭ 2007 hodzie i pastaŭleny ŭ Vilejcy ŭ samym pačatku vulicy Vałynca. Na padstavie aficyjnaha rašeńnia jon byŭ vyklučany sa śpisu pomnikaŭ pryrody respublikanskaha značeńnia pastanovaj Minpryrody № 62 ad 27 listapada 2025 hoda. Heta vyklikała ździŭleńnie i abureńnie. Miascovyja čynoŭniki tłumačać, u čym reč, piša «Minskaja praŭda».
«Kamienny vołat nie źnik z karty Vilejščyny. Paśla afarmleńnia nieabchodnych dakumientaŭ u rajvykankamie jon atrymaje novaje žyćcio, stanie pomnikam pryrody miascovaha značeńnia pad nazvaj «Vilejskija vołaty», — rastłumačyli ŭ Vilejskaj rajonnaj inśpiekcyi pryrodnych resursaŭ i achovy navakolnaha asiarodździa.
Vałun «Lubiecki» — heta kamień z šeraha parfirapadobnaha hranitu z mnostvam kryštalaŭ palavoha špatu i šeraha kvarcu. Daŭžynia vałuna — 2 m; šyrynia — 1,7 m; vyšynia — 1,35 m. Jon maje adšlifavanuju pavierchniu i akruhłyja baki.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary
Dzie ? Chto prymaŭ rašeńnie ? Niamia tym čynam čym zaniacca , tolki vyrašać statut kamianiuki . Voś dzie sapraŭdnaja tuniajady. Na naši hroši .