Advakat patłumačyŭ, kali baćki abaviazany zdavać hrošy ŭ škole, a kali — nie
Z pačatkam navučalnaha hoda mnohija baćki znoŭ sutyknulisia z prośbami zdać hrošy «na patreby škoły» — ad ramontu da kupli firanak i techniki.
Advakat Dźmitryj Vaškiel nahadaŭ, što zakanadaŭstva Biełarusi harantuje biaspłatnuju ahulnuju siaredniuju adukacyju, a škoły finansujucca ź biudžetu i sponsarskaj dapamohi. Pra heta piša «Minskaja praŭda».
Pavodle słoŭ jurysta, baćkoŭskija zbory možna ŭmoŭna padzialić na dźvie katehoryi:
-
patreby škoły — mebla, technika, ramont. Hetymi pazicyjami ŭstanova pavinna zabiaśpiečvacca za košt biudžetu;
-
patreby kłasa — survetki, vada, prysmaki na śviaty i inšyja dadatkovyja drobiazi.
Źbirać hrošy na patreby kłasa maje prava tolki baćkoŭski kamitet, a pytańni finansavańnia patreb škoły moža vyrašać vyklučna papiačycielski saviet. Luboje ŭniasieńnie srodkaŭ zastajecca dobraachvotnym, padkreślivaje advakat: baćki sami vyznačajuć sumu i mohuć pieraličvać jaje pa kvitancyi na rachunak škoły. Ustaloŭvać minimalnyja abo maksimalnyja parohi nielha.
Kali na baćkoŭ akazvajuć cisk abo patrabujuć abaviazkovyja płaciažy, juryst raić źviartacca sa skarhaj da dyrektara, u adździeł adukacyi, vykankam, Minadukacyi abo ŭ prakuraturu.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary