Anłajn-hipiermarkiet 21vek.by zapuściŭ svoj pieršy afłajn-prajekt. Im stała krama mebli i tavaraŭ dla domu, piša Tochka.by.
Prastoru adkryli ŭ HZC «Červieński». Na 2700 «kvadratach» vystaŭleny hatovyja interjernyja rašeńni: haścioŭni, spalni, kuchni, pracoŭnyja i dziciačyja zony.
Pakupnik moža ŭžyvuju pravieryć, nakolki zručnaja ŭpadabanaja kanapa, ci padychodzić vyšynia stała, jak adkryvajucca fasady i spałučajucca materyjały.
Kali ž u handlovaj zale niama patrebnaha varyjanta, jaho abiacajuć zakazać z asartymientu anłajn-hipiermarkieta i pryvieźci ŭ kramu ci adrazu na dom.
Novy prajekt, pa słovach kampanii, zaklikany abjadnać pieravahi anłajn– i afłajn-šopinhu.
Fota: Pavieł Rusak / Tochka.by
Tam možna razhladać varyjanty bieź cisku kansultantaŭ, paraŭnoŭvać i vybirać, ale jak tolki ŭźniknie pytańnie, to supracoŭniki abaviazkova dapamohuć.
Akramia taho, abiacajuć akazvać i dadatkovyja pasłuhi: raspracoŭku prajekta mebliroŭki, prafiesijnuju zborku i dastaŭku pa ŭsioj krainie.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary