Ministr unutranych spraŭ Litvy Uładzisłaŭ Kandratovič zajaviŭ, što varta abmierkavać prypynieńnie rehularnych pasažyrskich pieravozak u Biełaruś i Rasiju, piša LRT.
Kandratovič prapanavaŭ abmierkavać dośvied Łatvii, ułady jakoj imknucca całkam zabaranić aŭtobusnaje złučeńnie ź Biełaruśsiu.
«Biezumoŭna, heta, mahčyma, adna z takich mier. Pytańnie tolki ŭ tym, jak heta paŭpłyvaje na biełaruski režym — ci baluča heta, ci, mahčyma, heta im nie vielmi baluča, ci, mahčyma, heta jašče bolš padvysić varožyja nastroi ŭ dačynieńni da Jeŭrapiejskaha Sajuza i inšych krain. Tamu, miarkuju, u dadzienym vypadku heta sapraŭdy varta razhladu, treba hladzieć, jak budzie», — skazaŭ ministr ahienctvu BNS.
Hetaje pytańnie Kandratovič maje namier abmierkavać na nastupnym tydni sa svaimi kalehami z Polščy i Łatvii ŭ Brusieli.
«My zakraniom hetaje pytańnie razam. Tamu što tut patrebna ahulnaje rašeńnie, ja miarkuju, nie tolki Łatvii, ale i Litvy, i Polščy. Treba pahladzieć, jaki ahulny padychod», — adznačyŭ jon.
Prajekt pa spynieńni rehularnych maršrutaŭ u Biełaruś i Rasiju ŭžo rychtuje Ministerstva transpartu Łatvii. Pa słovach łatvijskaha ministra transpartu Acisa Švinksa, pastanova budzie zasnavana na mierkavańniach biaśpieki i praduhledžvaje mahčymaść pierahladu rašeńnia ŭ vypadku źmieny situacyi.
Ministr adznačyŭ, što takoj pastanovaj Kabinieta ministraŭ buduć spynieny rehularnyja pasažyrskija pieravozki aŭtobusami ŭ Rasiju i Biełaruś, adklikany dziejučyja dazvoły dla pieravozčykaŭ abo budzie admoŭlena ŭ ich abnaŭleńni.
Litoŭski ŭrad na nastupnym tydni maje namier abjavić nadzvyčajnuju situacyju praz pahrozy, jakija niasuć kantrabandnyja pavietranyja šary ź Biełarusi. U toj ža čas apazicyja prapanuje abjavić nie nadzvyčajnuju situacyju, a nadzvyčajnaje stanovišča.
Paloty kantrabandnych pavietranych šaroŭ ź Biełarusi za apošnija miesiacy ŭžo niekalki razoŭ paŭpłyvali na pracu Vilenskaha aeraporta.
Pa danych Ministerstva ŭnutranych spraŭ, sioleta zafiksavana 599 zalotaŭ kantrabandnych pavietranych šaroŭ i 197 dronaŭ u pavietranuju prastoru Litvy. Hetyja ataki parušyli 320 rejsaŭ, zakranuli 47 tysiač pasažyraŭ i pryviali da zakryćcia aeraportaŭ amal na 60 hadzin.
U suviazi z hetym, paśla taho jak Vilnia na niekalki tydniaŭ abmiežavała dziejnaść pamiežnych punktaŭ ź Biełaruśsiu, Minsk admaŭlajecca vypuskać zarehistravanyja ŭ Litvie vielikahruznyja aŭtamabili. Kiraŭnictva Litvy ličyć hetyja dziejańni hibrydnaj atakaj z boku biełaruskich uładaŭ.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary
Łooooł. Režymu vašče poch na aŭtobusnaje złučeńnie. A moža navat jon i "spasiba" skaža litoŭskim siabram.