Ministerstva ŽKH nahadała, što nielha prychodzić z sabakami tudy, kudy lubić chadzić z Umkam Łukašenka
Kamunalniki jašče raz nahadali, kudy pavodle ciapierašniaha zakanadaŭstva nie puściać z sabakami. Jak minimum dva punkty Łukašenka časta parušaje.
Ministerstva ŽKH pieraličyła miescy, kudy nie puściać z sabakami. Tolki kali heta nie sabaki-pavadyry. Tak, zabaroniena pryvodzić hadavancaŭ u kramy i lubyja inšyja handlovyja abjekty, akramia zoamahazinaŭ, ustanovy hramadskaha charčavańnia, damy bytu i raźlikovyja centry, kulturnyja i adukacyjnyja ŭstanovy, špitali i palikliniki.
Aproč taho, sabak nielha brać na spartyŭnyja i žyviołahadoŭčyja abjekty. Jakraz hetyja punkty čaściakom parušaje Alaksandr Łukašenka. Jon vodzić Umku z saboj na chakiej. Akramia taho, lubimy špic Łukašenki časta naviedvaje razam ź im žyviołahadoŭčyja fiermy.
Naprykład, u lipieni Łukašenka inśpiektavaŭ pradpryjemstva pa vytvorčaści plemiannych koz. Pakul haspadar piasočyŭ čynoŭnikaŭ i atrymlivaŭ padarunki, Umka baviŭsia pobač z kozami.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary