U Litvie prapanavali kampiensavać zachrasłyja ŭ Biełarusi hruzaviki biełaruskaj majomaściu
Lidar demakratyčnaha sajuza «U imia Litvy» Saŭlus Skviarnialis miarkuje, što aryštavanyja ŭ Biełarusi litoŭskija ciahačy, mahčyma, nie viernuć, i treba da hetaha rychtavacca. Pavodle jahonych słoŭ, u takim vypadku za stračanyja hruzaviki pieravozčykam možna zapłacić zamarožanaj biełaruskaj majomaściu ŭ Litvie, naprykład, vykarystać dla hetaha sanatoryj «Biełaruś».
«Treba pravieści invientaryzacyju, vyśvietlić, kolki ciahačoŭ u zakładnikach, pakolki situacyja napraŭdu nie takaja, jak nam jaje padajuć, havorka idzie pra inšuju kolkaść. I (…) prosta treba zrazumieć, što ich straciać, a pieravozčykam daviadziecca płacić kampiensacyju. Ale nie sa srodkaŭ litoŭskaha biudžetu, a za košt biełaruskaj majomaści ŭ Litvie», — skazaŭ palityk.
Jon miarkuje, što dziaržava pavinna rychtavacca da takoha kroku.
«Nichto nie zabaraniaje inicyjavać jurydyčnyja pracedury, vykarystoŭvać časovyja srodki abarony, naprykład, kali kazać pra toj ža sanatoryj u Druskienikach, acanić majomaść, apisać jaje z dapamohaj kalektaraŭ i padrychtavacca da realizacyi, kali daviadziecca vypłačvać kampiensacyi», — skazaŭ Skviarnialis.
«Kali ciahačy kanfiskujuć, značyć, asimietryčnyja miery buduć pryniatyja ŭ Litvie. Inšy bok pavinien heta zrazumieć», — zaŭvažyŭ palityk.
Jon pazityŭna acaniŭ rašeńnie ab uviadzieńni režymu nadzvyčajnaj situacyi la miažy, i ličyć, što ŭrad musić pryniać bolš žorstkija miery.
«Ja dumaju, što dla ŭviadzieńnia NS jość usie prykmiety», — padkreśliŭ Skviarnialis.
U kancy kastryčnika Litva zakryła miažu ź Biełaruśsiu — heta byŭ adkaz na hibrydnyja ataki ź biełaruskaha boku. Biełaruskija ŭłady ŭ adkaz zabaranili ruch pa krainie litoŭskich fur — bolš za 1000 fur pastavili na admysłovyja placoŭki, za kožny dzień prastoju tam litoŭskija kampanii płaciać pa 120 jeŭra. Navat paśla adkryćcia miažy biełaruski bok nie vypuściŭ ciažkahruzy ź Biełarusi.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary