U minskim kvartale Depo ŭ adnym z damoŭ samaja maleńkaja kvatera budzie płoščaj 93 mietry
U minskim kvartale Depo adkryli rańni dostup da častki kvater u novym domie hrupy Nobili. Dom abiacajuć zdać u pačatku 2028 hoda.
Jaho asablivaść — kvatery z pavialičanymi płoščami. Tak, minimalnaja płošča kvatery ŭ domie Nobili 4 składaje 93,12 kv. m. Usiaho ŭ domie 21 kvatera. Ceny tych ź ich, što znachodziacca ŭ dostupie, pačynajucca z $3951 za kvadratny mietr, piša Office Life.
Nobili 4 stanie apošnim u sieryi damoŭ z zakruhlenym fasadam i radyusnymi vitražnymi voknami. Dziakujučy tamu, što ŭ domie niama maleńkich kvater, dastupnyja płaniroŭki ŭklučajuć paŭnavartasnyja 2—4 spalni i prastornuju kuchniu-haścioŭniu. A na šostym paviersie raźmiaścilisia dva dvuchuzroŭnievyja pientchausy płoščaj 220 kv. m z vyšynioj stolaŭ da 3,35 mietra, a taksama vitražom u zonie haścinaj-kuchni.
Zabudoŭščyk «A-100 Deviełopmient» płanuje zaviaršyć prajekt Depo da 2029 hoda. U hetym hodzie na praciahu niekalkich miesiacaŭ u hetym kvartale pradavalisia samyja darahija kvatery ŭ Minsku.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary