Łukašenka padoŭžyŭ na hod biaźvizavy režym dla hramadzian jeŭrapiejskich krain
Alaksandr Łukašenka svaim ukazam padoŭžyŭ biaźvizavy režym dla hramadzian 38 jeŭrapiejskich krain da 31 śniežnia 2026 hoda.
Umovy biaźvizu zastajucca raniejšymi: hramadzianie hetych krain mohuć pierasiakać dziaržaŭnuju miažu praz usie aŭtadarožnyja i čyhunačnyja mižnarodnyja punkty propusku, vykarystoŭvajučy sapraŭdnyja dakumienty dla vyjezdu za miažu.
Termin znachodžańnia ŭ Biełarusi składaje da 30 dzion, a dla hramadzian Polščy, Litvy, Łatvii i asob sa statusam niehramadzian Łatvii — da 90 dzion.
Pravam na biaźvizavy ŭjezd možna karystacca nieabmiežavanuju kolkaść razoŭ, ale ahulnaja kolkaść dzion znachodžańnia ŭ Biełarusi pa biaźvizie nie pavinna pieravyšać 90 dzion na praciahu kalandarnaha hoda.
Taksama zachoŭvajecca biaźvizavy paradak ujezdu praz aeraporty. Inšaziemcy, jakija prylacieli bieź vizy, mohuć tranzitam prajazdžać praź Biełaruś u trecija krainy, akramia Rasijskaj Fiederacyi.
Hety paradak nie raspaŭsiudžvajecca na ŭładalnikaŭ dypłamatyčnych, słužbovych, śpiecyjalnych i pryraŭnanych da ich pašpartoŭ. Uładalniki bijamietryčnych dypłamatyčnych pašpartoŭ krain ES mohuć ujazdžać, vyjazdžać i prachodzić tranzitam praź Biełaruś bieź vizy ŭ adpaviednaści z damovaj pamiž Biełaruśsiu i ES ab spraščeńni vizavaj sistemy.
U paviedamleńni pres-słužby Łukašenki śćviardžajecca, što z 1 studzienia 2025 hoda ŭ Biełaruś pa biaźvizie prybyło bolš za 210 tysiač zamiežnych hramadzian.
Biaźvizavy režym z dla hramadzian Litvy, Łatvii i Polščy Łukašenka ŭvioŭ u 2022 hodzie, dla jašče 35 krain Jeŭropy — letam 2024-ha.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary