Ź ciahnika Kalininhrad — Adler na miažy Biełarusi źniali biełarusku ź dziciom, nibyta za ekstremizm
U telefonie žančyny znajšli «ekstremisckuju hrupu».
Unočy 2 śniežnia pamiežniki źniali ź ciahnika biełarusku z maleńkim dziciom, jakija jechali z Kalininhrada ŭ bok Minska. U telefonie žančyny znajšli «ekstremisckuju hrupu», piša «Viasna».
Telefon u jaje kanfiskavali, nie dazvolili navat źviazacca z rodnymi i papiaredzić ab tym, što adbyvajecca, i ab mahčymym zatrymańni.
Dziciaci toj pasažyrki było na vyhlad kala piaci hadoŭ, u ich byli dźvie valizki.
Paźniej «Astravieckaja praŭda» paćvierdziła fakt zatrymańnia.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» adnosiać taksama praktyčna lubuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary