U miesiendžary 24‑hadovy žychar Łuninca źviazvaŭsia ź ludźmi, prapanoŭvajučy nibyta najaŭnaje ŭ jaho žyllo ŭ Minsku dla arendy. Damoviŭšysia z klijentam adnosna koštu pasłuhi, jon davaŭ infarmacyju pra bankaŭskuju kartu, kudy treba było zaličyć apłatu.
Siarod klijentaŭ machlara akazaŭsia 21‑hadovy minčuk, jaki addaŭ za arendu žylla bolš za 800 rubloŭ. Inšaj achviaraj afierysta staŭ 23‑hadovy žychar Minska, jaki pieradaŭ za žyllo bolš za 100 rubloŭ. Ciapier ustanaŭlivajucca inšyja hramadzianie, paciarpiełyja ad hetaj dziejnaści.
Atrymanyja hrošy małady čałaviek adrazu traciŭ u internet-kazino. Padmanutym hramadzianam jon paviedamlaŭ vydumanuju pryčynu, pa jakoj kvatera nie moža być zdadziena ŭ nazvany termin, abiacaŭ viarnuć hrošy, ale nie rabiŭ hetaha.
Raniej hety čałaviek užo pryciahvaŭsia da kryminalnaj adkaznaści za padobnyja dziejańni. Suprać jaho zaviedziena kryminalnaja sprava za machlarstva.
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary