Błohier Uład Bumaha prajhraŭ sud u Rasii ŭ spravie pravoŭ na svaju vyjavu
Rasijski sud u Režaŭskaj haradskoj akruzie Śviardłoŭskaj vobłaści admoviŭ biełaruskamu błohieru Uładu Bumahu (A4) u patrabavańni spahnać 30 tysiač rasijskich rubloŭ (kala 390 dalaraŭ) z uładalnicy kramy «Karamielka» Aleny Tałmačovaj. Błohier śćviardžaŭ, što jana niezakonna pradavała futbołki ź jahonaj vyjavaj i tym samym parušała jahonyja vyklučnyja pravy, paviedamlaje RTVI.
Kampanija Bumahi «Čietyrieačietyrie-Plus» zajaviła, što ŭ mai 2024 hoda ŭ kramie pradavalisia futbołki z malunkami «A4» i «Łamba», jakija jany paličyli kantrafaktnymi. Akramia kampiensacyi, błohier chacieŭ taksama viarnuć sudovyja vydatki.
Adnak sud pryjšoŭ da vysnovy, što pradstaŭniki błohiera nie zmahli pierakanaŭča dakazać, što pravy na dyzajn naležać jaho kampanii. Bolš za toje, vyjavy na futbołkach, jakija pradavała Tałmačova, nie byli identyčnyja tym, na jakija spasyłaŭsia Bumaha. Taksama vyśvietliłasia, što pakazanyja błohieram malunki «A4» i «Łamba» ŭ Rasii nie zarehistravanyja jak tavarnyja znaki.
Raniej stała viadoma pra zusim nie bliskučuju finansavuju situacyju biznesaŭ Bumahi ŭ Rasii. U sakaviku 2025 hoda jahonaja kampanija «Bumažnaja Bumaha», jakaja zajmałasia prodažam snekaŭ, abviaściła pra namier padać na bankructva. Na toj momant suprać jaje było siem pazovaŭ na sumu kala 40 miljonaŭ rasijskich rubloŭ (kala 520 tysiač dalaraŭ). Najbujniejšy ź ich — amal 30 miljonaŭ (kala 390 tysiač) — padaŭ rasijski ofis niamieckaha vytvorcy charčovych dabavak. Kredytorami značylisia i inšyja kampanii, u tym liku Śbierbank.
Uvohule biznes-struktury, źviazanyja z błohieram, u apošnija hady pastajanna nieśli straty. Za 2023 hod «Bumažnaja Bumaha» pakazała vysokuju vyručku i prybytak, ale ŭ 2024 hodzie vyjšła ŭ minus na 110 miljonaŭ rasijskich rubloŭ (kala 1,4 miljona dalaraŭ). Bumaha vymušany byŭ taksama zakryć piceryju, adkrytuju sumiesna z restarataram Antonam Pinskim: prajekt pracavaŭ niaŭdała i prynosiŭ značnyja straty.
Uvosień źjaviłasia taksama infarmacyja, što ŭ błohiera ŭźnikła zapazyčanaść u 2 miljony rubloŭ (kala 26 tysiač dalaraŭ) pierad Padatkovaj słužbaj Rasii.
Błohier Uład Bumaha znajšoŭ sabie novy zaniatak u Maskvie
ŚMI raskazali pra daŭhi biełaruskaha błohiera Ułada Bumahi pa rasijskich padatkach
Prahib zaličany. Piaskoŭ zajaviŭ, što pad uražańniem ad pytańnia biełaruskaha błohiera Ułada Bumahi Pucinu
«U mianie pryjom kaštuje 120 rubloŭ, čamu ja pavinna pracavać za 44, bł**, rubli?!» Daktary abmiarkoŭvajuć rehulavańnie cen
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary