Kiraŭnictva abaronnaha zavoda va Ukrainie krała hrošy na zakupkach brani dla tankaŭ
Nacyjanalnaje antykarupcyjnaje biuro Ukrainy i Słužba biaśpieki Ukrainy vykryli maštabnuju karupcyjnuju schiemu ŭ abaronnym siektary, u vyniku jakoj było raskradziena bolš za 102 miljony hryŭniaŭ (kala $2,42 młn), pryznačanych dla patreb Uzbrojenych sił.
Jak paviedamili NABU i SBU, hrošy byli vykradzienyja padčas zakupki dynamičnaj abarony dla tankaŭ USU. Schiema dziejničała na dziaržaŭnym pradpryjemstvie ŭ Zaparožskaj i Dnieprapiatroŭskaj abłaściach.
Śledstva vyjaviła, što ŭ krasaviku 2022 hoda dziaržaŭny zavod ukłaŭ ź Minabarony kantrakt na terminovuju zakupku braniavych kompleksaŭ. Adnak były kiraŭnik pradpryjemstva, jaho kamiercyjny dyrektar i ŭładalnik pryvatnaj firmy-vykanaŭcy arhanizavali schiemu nabyćcia detalaŭ zavyšanymi ŭtraja cenami. Atrymanaja «marža» vyvodziłasia ŭ cień praź sietku padstaŭnych kampanij. U vyniku było raskradziena bolš za 102 miljony hryŭniaŭ (kala $2,42 młn), pryznačanych dla patreb USU.
Padazreńni ŭ prysvajeńni majomaści, admyvańni hrošaj i słužbovych falsifikacyjach abvieščanyja trom arhanizataram złačynstva. Pry hetym eks-kiraŭnik abaronnaha zavoda ŭžo znachodzicca pad vartaj u ramkach inšaha rasśledavańnia pavodle faktu vytvorčaści brakavanych minamiotnych nabojaŭ.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary