Karłas Ałos: Zvalnieńnie sa zbornaj Biełarusi — absalutna niečakanaje

— Sumna, bo, na moj pohlad, my mahli jašče niešta dać zbornaj. Pracavali z kamandaj bolš za dva hady — niedzie vyniki byli dobrymi, niedzie nie vielmi. Niadrenna praviali kancoŭku adboračnaha turniru čempijanatu Jeŭropy, potym da apošniaha zmahalisia za vychad u dyvizijon B Lihi nacyj. Tak, nie zmahli prabicca na čempijanat śvietu, i tamu, napeŭna, było vyrašana z nami raźvitacca, — cytuje słovy śpiecyjalista football.by.

«Liču, što naša rabota nie była zavieršana — u mianie byŭ kantrakt na nastupny hod, i chaciełasia padrychtavać kamandu da nastupnaj Lihi nacyj [turnir pavinien prajści vosieńniu 2026 hoda, nastupny adboračny turnir da čempijanatu Jeŭropy 2028 hoda projdzie ŭ 2027 hodzie —..]. Jak by tam ni było, ja prymaju rašeńnie fiederacyi i staŭlusia da jaho z pavahaj», — dadaŭ jon.

Karłas Ałos adznačyŭ, što jaho zvalnieńnie było absalutna niečakanym.

«Pieršapačatkova ja płanavaŭ prylacieć u Biełaruś troški paźniej. Kazaŭ kiraŭnictvu: kali treba, možam sustrecca i abmierkavać lubyja pytańni, kali nie — spakojna zojmiemsia padrychtoŭkaj da nastupnaha hoda, budziem płanavać sparynhi, nazirać za kandydatami ŭ zbornuju. Potym mnie patelefanavali, zaprasili pryjechać u Minsk na «Zorny miač» [2 śniežnia]. Padčas hetaj cyrymonii ŭsio było narmalna, my krychu pakamunikavali z [staršynioj fiederacyi futboła] Jaŭhienam Bułojčykam, nijakaj novaj infarmacyi nie pastupiła. Adnak za dzień da adjezdu dadomu mnie znoŭ patelefanavali i terminova zaprasili ŭ fiederacyju. I ŭžo tam jaje staršynia skazaŭ, što pryniata rašeńnie spynić supracoŭnictva», — raskazaŭ trenier.

Karłas Ałos treniravaŭ zbornuju Biełarusi sa žniŭnia 2023 hoda. Pad jaho kiraŭnictvam nacyjanalnaja družyna praviała 26 matčaŭ, u jakich atrymała 6 pieramoh, 10 razoŭ zhulała ŭničyju i paciarpieła 10 paražeńniaŭ.

U adbory da čempijanatu Jeŭropy 2024 hoda Ałos pryjšoŭ na siaredzinie kvalifikacyi, pry im kamanda dvojčy vyjhrała, zhulała try ničyi, mieła adnu parazu i finišavała čaćviortaj u hrupie śledam za zbornymi Rumynii, Šviejcaryi i Izraila i apiaredziŭšy Kosava i Andoru.

U adbory da čempijanatu śvietu 2026 u kamandy było čatyry parazy: ad Hrecyi (1:5), Danii (0:6) i Šatłandyi (0:2, 1:2), a potym dźvie ničyi z Danijaj (2:2) i Hrecyjaj (0:0) i apošniaje miesca ŭ hrupie. Pierad pačatkam adboru pierad zbornaj staviłasia nierealnaja zadača zaniać u hrupie druhoje miesca.

• 0
• 0
• 2
• 0
• 1
• 0
• 0
• 0