Łukašenka prapanavaŭ siabie ŭ pasiaredniki miž Trampam i Madura
U intervju amierykanskamu telekanału Newsmax Alaksandr Łukašenka vykazaŭsia na temu mahčymaha ŭrehulavańnia adnosin ZŠA i Vieniesueły
Łukašenka zajaviŭ, što, kali b vieniesuelski lidar sam zachacieŭ pierajechać u Biełaruś, dla jaho tut nie było b nijakich pieraškod. Adnak u toj ža čas nibyta takoha pytańnia nikoli nie ŭźnikała i razmovy pra heta nie vialisia.
«Pakul ničoha nie adbyvajecca, ale ja baču cikavaść Złučanych Štataŭ Amieryki da Vieniesueły. Razumieju Trampa ŭ mnohim, tamu što Vieniesueła pobač, jak Ukraina pobač z Rasijaj. Tamu tam jość cikavaść pa mnohich pytańniach. Absalutna pierakanany, što ŭsie pytańni, usie pažadańni Złučanych Štataŭ Amieryki možna siońnia vyrašyć absalutna mirnym šlacham. Ja dumaju, što ŭ najbližejšy čas nam udasca na hetuju temu pahavaryć z Donaldam Trampam, i ja jamu šmat čaho cikavaha skažu. Vajna ni da čaho nie pryviadzie. Učora ja Džonu Koŭłu pra heta kazaŭ. Heta, ja jamu skazaŭ, budzie druhi Vjetnam. Vam jon patrebny? Nie patrebny. Tamu nie treba tam vajavać. Tam možna damovicca», — zajaviŭ Łukašenka.
Łukašenka dadaŭ, što viedaje Madura «ź dziacinstva» i nikoli nie havaryŭ ź im pra ŭcioki ŭ Biełaruś.
«Tamu voś hetyja ŭsie pustyja razmovy, ja baču ich, žurnalistaŭ na temu taho, što my z Madura damovilisia, što jon źjedzie ŭ Biełaruś i tut budzie žyć. Nikoli, Hreta, na hetuju temu z Madura my nie razmaŭlali. My bolš z amierykancami z nahody Vieniesueły, kali ŭžo adkryta kazać, razmaŭlajem, čym z Madura z nahody tam jaho adstaŭki i niejkich dziejańniaŭ», — skazaŭ jon.
Pa słovach Łukašenki, Madura — nie toj čałaviek, jaki zdolny ŭsio kinuć i źbiehčy. Heta, pavodle jaho słoŭ, mocny, pryncypovy i ŭraŭnavažany čałaviek, paśladoŭnik idej Uha Čaviesa, ź jakim možna vieści dyjałoh i damaŭlacca.
«Madura zastaŭsia zusim adzin». Ci pryjduć na dapamohu Vieniesuele jaje šmathadovyja sajuźniki?
Praz dva tydni Łukašenka znoŭ sustreŭsia z pasłom Vieniesueły ŭ Rasii
Koŭł pra pieramovy z Łukašenkam: Havaryli pra budučyniu i pra toje, jak narmalizavać adnosiny
ZŠA nieŭzabavie pačnuć naziemnyja ŭdary pa abjektach narkakartelaŭ u Vieniesuele
Kamientary