Akcior Nahijeŭ raskrytykavaŭ zasille filmaŭ pra vajnu, nazvaŭ vajnu vajnoju i patłumačyŭ, čamu zdymajecca ŭ «Jołkach»
«Ja vinšuju vas z Novym hodam, žadaju vam mirnaha nieba».
Na premjery filma «Jołki-12» karespandentka pacikaviłasia ŭ akciora Dźmitryja Nahijeva sakretam papularnaści franšyzy «Jołki». Nahijeŭ adkazaŭ, što cikavaść da «Jołak» budzie tolki raści, pakolki hledačy stamilisia ad filmaŭ pra vajnu.
«Stolki filmaŭ pra vajnu, prosta sił užo niama. Šeraść, brud, hetaja iluzija mirnaha ščaślivaha žyćcia», — skazaŭ Nahijeŭ.
Karespandentka taksama zapytałasia, jakija avantury zdaralisia z akcioram apošnim časam.
«Ty mianie pytaješ na čaćviortym hodzie vajny, jakija avantury adbylisia ŭ maim žyćci…?» — adkazaŭ sustrečnym pytańniem Nahijeŭ.
Na samoj prezientacyi filma Nahijeŭ taksama vystupiŭ ź nievialikaj, ale poŭnaj sarkazmu pramovaj.
«Miarkujučy pa tym, što vy pryjšli na «Jołki-12», z zamiežnym kantentam u našych kinateatrach zusim ž*pa», — skazaŭ jon.
Jon skazaŭ, što źniaŭsia ŭ filmie dziela hrošaj i padziakavaŭ za hetuju mahčymaść:
«Źniaŭšysia adnojčy ŭ «Jołkach», ty padpisvaješ kantrakt z djabłam. Ja dziakuju svajoj prahnaści — inakš siońnia nie było b na kaho vam lubavacca. Dziakuju pradziusarskamu kompleksu za mahčymaść zarabić na leki. Choć zabi, nie razumieju, što za ludzi pryklejeny pobač sa mnoj na afišy.
Učora mnie dasłali scenaryj… Jołki, suka, 13… Jak kazaŭ moj dzied, sapraŭdnyja hieroi zmazku nie čakajuć, tamu budziem pracavać. Ja vinšuju vas z Novym hodam, žadaju vam mirnaha nieba. Enjoy!»
Dźmitryj Nahijeŭ upieršyniu prakamientavaŭ vajnu praz maŭklivy, ale prazrysty žest — 12 sakavika 2022 hoda jon vykłaŭ u instahramie čorna-biełaje videa, dzie bryŭ hałavu pad pieśniu «Pojezd v ohnie» hurta «Akvarium» z radkom «Po novym dannym raźviedki, my vojevali sami s soboj». U podpisie jon napisaŭ: «Da pabačeńnia. My abaviazkova sustreniemsia. Ja vas lublu, niahledziačy na daŭki smak zhublenych nadziej. Jak kazaŭ moj dzied pierad pryčaściu: «Što ž ja stary narabiŭ?», što mnohija padpisčyki ŭspryniali jak namiok na staŭleńnie da palityki Kramla i vajny.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary
Vpročiem, jeśli, naprimier, opiať ostanutsia bieź jaic ...)