MUS Polščy prakamientavała, ci mahčymaje adnaŭleńnie čyhunačnaha ruchu ź Biełaruśsiu
«Praces adkryćcia pierachodaŭ prajšoŭ vielmi hładka», ale kali čakać pasažyrskich ciahnikoŭ pamiž Polščaj i Biełaruśsiu?
Pasažyrskija ciahniki z Polščy ŭ Biełaruś pierastali jeździć u sakaviku 2020 hoda. Pieršapačatkova jany byli prypynieny z pryčyny pandemii COVID-19. Adnak častka pravił była zachavana i paśla narmalizacyi epidemijałahičnaj situacyi. Polski ŭrad tady spasyłaŭsia na rost pahrozy mihracyjnaha cisku, piša rynek-kolejowy.pl.
Vydańnie adznačaje, što z taho času adnosiny ź Minskam zastajucca napružanymi nie tolki z pryčyny nielehalnaj mihracyi, ale i z-za supracoŭnictva Biełarusi z Rasijaj. Niahledziačy na heta, niadaŭna adbylisia surjoznyja źmieny na miažy: byli adkryty niepracujučyja na praciahu mnohich hadoŭ darožnyja pierachody: Kuźnica — Bruzhi i Babroŭniki — Bierastavica.
— Na terytoryi Padlaskaha vajavodstva praces adkryćcia pierachodaŭ prajšoŭ vielmi hładka. My nie fiksujem nijakich incydentaŭ, — zajaŭlaje Adździeł absłuhoŭvańnia miedyja Ministerstva ŭnutranych spraŭ i administracyi (MSWiA).
Pasłableńni ŭ halinie darožnaha transpartu taksama staviać pytańnie ab mahčymym adnaŭleńni pasažyrskich pieravozak na čyhunačnych pierachodach Kuźnica — Hrodna i Tarespal — Brest.
— Heta zaležyć ad źnižeńnia pahrozy masavaj mihracyi na hetym kirunku, — adkazvaje ministerstva. — Nam važna, kab biełaruskija słužby spynili ataki i pravakacyi na techničnaje zabieśpiačeńnie polskaj dziaržaŭnaj miažy, — dadała pres-słužba ministerstva.
MSWiA kaža, što mihracyjny cisk, jaki zachoŭvajecca, inśpiravany i kaardynujecca biełaruskim bokam. Padkreślivajecca taksama, što ŭłady Biełarusi akazvajuć padtrymku Rasii ŭ ahresii suprać Ukrainy.
— Tamu my nie možam adnavić čyhunačny pamiežny ruch. Dla našaha ministerstva hałoŭnaje — heta biaśpieka Polščy i palakaŭ, — adznačyli ŭ ministerstvie.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary