U Aŭstralii kiroŭca aŭtobusa ŭratavaŭ kaału, jakaja pierabiahała darohu
U aŭstralijskim Bryśbienie kaała na mianušku Piery apynułasia ŭ haradskim aŭtobusie paśla taho, jak pierabiahała ažyŭlenuju darohu, uchilajučysia ad aŭtamabilaŭ. Heta pieršy taki vypadak dla miascovych ratavalnikaŭ, piša vydańnie ABC.Net.
13 śniežnia małady źvier, kab paźbiehnuć niebiaśpieki, zalez na mietaličny słup na astraŭku biaśpieki. Kiroŭca aŭtobusa, pabačyŭšy ryzyku dla žyvioliny, nakryŭ kaału kurtkaj i pieranios jaje ŭ sałon, dzie Piery sieła na poručni i spakojna čakała dapamohi.
Ratavalniki byli vyklikanyja na miesca i paśla pieršasnaha ahladu adpravili kaału ŭ arhanizacyju achovy žyvioł. Na nastupny dzień śpiecyjalisty paćvierdzili, što žyviolina zdarovaja.
Kiraŭnica ratavalnaj słužby Koala Rescue Brisbane South Bryan Barkła vykazała kiroŭcu aŭtobusa padziaku za kłapatlivaje staŭleńnie da žyvioliny. Piery — maładaja asobina, starejšaja za hod, užo dastatkova samastojnaja.
14 śniežnia Piery vypuścili na volu ŭ zialonaj zonie Sevien-Hiłz, niedaloka ad miesca, dzie jaje znajšli. Mer Bryśbiena Adryjan Šrynier adznačyŭ vydatny ŭčynak kiroŭcy i zaklikaŭ žycharoŭ u vypadku niebiaśpieki dla žyvioł źviartacca da ratavalnikaŭ, adznačyŭšy, što taki vypadak tolki paćviardžaje «admietny aŭstralijski charaktar» horada.
Ratavalniki papiaredzili, što kaały mohuć być ahresiŭnymi praz svaje kipciury i paraili nie brać ich u ruki, a pakinuć hety zaniatak vyratavalnikam.
U Aŭstralii źniali, jak samiec kaały płača nad pamierłaj siabroŭkaj VIDEA
Kaały ŭ Aŭstralii akazalisia na miažy źniknieńnia. Vinavatyja pažary i vysiakańnie lasoŭ
U aŭstralijskim zaaparku naradziłasia redkaja biełaja kaała FOTAFAKT
Chitry złodziej spustašaŭ hadavalnik u Aŭstralii i ŭdała chavaŭsia. Ale adnojčy zasnuŭ na miescy złačynstva
Ciapier čytajuć
Jak u halečy śpivałasia radnia Łukašenki? Małaviadomyja fakty6
Kamientary