Padčas pieramoŭ z uładami buduć zakranuty pytańni sacyjalna‑ekanamičnaha raźvićcia krainy, hrašova‑kredytnaj i padatkovaj palityki
U Minsku 12 maja pačała pracu hrupa ekśpiertaŭ Mižnarodnaha valutnaha fondu na čale z kiraŭnikom misii MVF pa Biełarusi Krystafieram Džarvisam.
Jak paviedamili ŭ pradstaŭnictvie MVF u Biełarusi, padčas pieramoŭ z uładami buduć zakranuty pytańni sacyjalna‑ekanamičnaha raźvićcia krainy, hrašova‑kredytnaj i padatkovaj palityki. Budzie pierahledžany makraekanamičny prahnoz dla Biełarusi, abmierkavany režym valutnaha kursu.
Akramia hetaha, u miežach pracy misii, jakaja zavieršycca 25 maja, płanujecca razhlad pierśpiektyŭ i form dalejšaha supracoŭnictva Biełarusi z MVF.
Raniej pradstaŭniki biełaruskich uład zajaŭlali pra mahčymaść abmierkavańnia novaj kredytnaj prahramy. Adnak u intervju ahienctvu Rejter 4 maja Alaksandr Łukašenka zajaviŭ, što
Biełaruś nie budzie prasić MVF ab novych prahramach kredytavańnia na fonie ažyŭleńnia ekanomiki, ale raźličvaje na kansultacyi śpiecyjalistaŭ fondu pa ekanamičnaj palitycy.
«Ciapier my ŭ MVF kredytaŭ nie prosim. MVF, Suśvietny bank zajavili, što Biełaruś prajšła stadyju recesii. Prablem siońnia niama ŭ nas ź biudžetam. Tamu my ŭ MVF nie zapytvajem dadatkovych kredytaŭ», — skazaŭ prezident.
«My budziem ź imi supracoŭničać, ale heta supracoŭnictva pierajšło ŭ razrad kansultatyŭnych pasłuh», — dadaŭ jon.
U kancy sakavika Biełaruś atrymała apošni tranš kredytu MVF na 670 młn. dalaraŭ u miežach prahramy kredytavańnia stand‑by u 3,5 młrd. dalaraŭ, zaćvierdžanaj u kancy 2008 hoda.
«My vielmi ŭdziačnyja MVF i inšym finansavym instytutam za ich padtrymku ŭ hety niaprosty čas dla našaj ekanomiki. My pra heta budziem pamiatać zaŭsiody», — skazaŭ Łukašenka ŭ intervju Rejter.
Jak raniej paviedamlałasia, u liście pra namiery ŭ ekanamičnaj palitycy, jaki premjer‑ministr Siarhiej Sidorski i kiraŭnik Nacyjanalnaha banka Piotr Prakapovič nakiravali 15 sakavika kiraŭnictvu MVF, raschody biudžetu Biełarusi, źviazanyja z šokam źmieny cen na naftu, što impartujecca z Rasii, aceńvalisia amal u 2 młrd. dalaraŭ ZŠA.
«U kantekście padrychtoŭki novaha piacihadovaha płana my farmulujem paradak dnia strukturnych reform na pieryjad, jaki vychodzić za miežy prahramy. U najbližejšyja niekalki hadoŭ strukturnyja reformy buduć skancentravany na ŭmacavańni instytucyjnych asnoŭ makraekanamičnaj stabilnaści, što dazvolić rynkavym miechanizmam adyhrać značnuju rolu ŭ raźmierkavańni resursaŭ i stymulavać raźvićcio pryvatnaha siektara za košt spynieńnia rehulavańnia i pryvatyzacyi. My budziem ciesna supracoŭničać z MVF, Suśvietnym bankam i inšymi mižnarodnymi arhanizacyjami ŭ pytańni paśladoŭnaści i chutkaści realizacyi strukturnych reformaŭ», — adznačałasia ŭ liście.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary