U druhi dzień sudovaha pracesu pa spravie viciebskaha aktyvista Kansiervatyŭna‑chryścijanskaj partyi — BNF Siarhieja Kavalenki prakuror paprasiŭ sud pryhavaryć abvinavačanaha da troch hadoŭ abmiežavańnia voli.
Pavodle słovaŭ Paŭła Sieviarynca, usio išło da taho, što pryhavor budzie vyniesieny pozna viečaram 13 maja. Adnak Kavalenka zajaviŭ, što vielmi stamiŭsia i nie moža vystupić z apošnim słovam. Sudździa Jaŭhien Burunoŭ vyklikaŭ chutkuju dapamohu, kab vyśvietlić sapraŭdny stan abvinavačanaha. Paśla ahladu sud byŭ pieraniesieny na ranicu 14 maja.
34‑hadovy Kavalenka byŭ zatrymany 7 studzienia 2010 hoda kala hałoŭnaj navahodniaj jołki Viciebska nieŭzabavie paśla źjaŭleńnia na joj bieł‑čyrvona‑biełaha ściaha. U dačynieńni da aktyvista raspačali kryminalnuju spravu. Jon abvinavačvajecca pa dvuch artykułach: č. 1 art. 339 (naŭmysnyja dziejańni, jakija hruba parušajuć hramadski paradak i vyražajuć jaŭnuju niepavahu da hramadstva; praduhledžanaje pakarańnie — da troch hadoŭ pazbaŭleńnia voli) i art. 363 (supraciŭleńnie supracoŭniku ŭnutranych spraŭ ci inšaj asobie, jaki achoŭvaje hramadski paradak; pakarańnie — ad dvuch da piaci hadoŭ pazbaŭleńnia voli).
Praces nad Kavalenkam pavinien byŭ pačacca 20 krasavika ŭ sudzie Kastryčnickaha rajona Viciebska, adnak byŭ adkładzieny na 12 maja ŭ suviazi ź siamiejnymi abstavinami sudździ.
Treba adznačyć, što 14 maja spaŭniajecca 15 hadoŭ z dnia praviadzieńnia refierendumu ab źmianieńni dziaržaŭnaj simvoliki.
Łukašenka pamiłavaŭ eks-kiraŭnika svajoj achovy Uciuryna6
Kamientary