Śpiecyjalist: U Biełarusi nie moža być miascovaha raspaŭsiudu polijamijelitu
U Biełarusi nie moža być miascovaha raspaŭsiudžańnia polijamijelitu, zajaviła BiełaPAN zahadčyca epidemijałahičnaha adździeła Minskaha haradskoha centra hihijeny i epidemijałohii Alena Fisienka.
Pavodle jaje słoŭ, žycharam krainy nie pahražaje raspaŭsiudžańnie infiekcyi, jakaja pieradajecca praz pradukty charčavańnia, vadu, tamu što biełarusy «pryščepleny ad polijamijelitu, a značyć, majuć imunitet da hetaha zachvorvańnia». Vakcynacyja pravodziłasia ź siaredziny minułaha stahodździa.
Pryščepka ad polijamijelitu ŭvachodzić u Nacyjanalny kalandar prafiłaktyčnych pryščepak. Pieršyja pryščepki ad polijamijelitu robiacca inaktyviravanymi vakcynami. Vypadki admovy ad pryščepak u Minsku nie sustrakajucca. Fisienka padkreśliła, što niepryščeplenyja dzieci znachodziacca ŭ hrupie ryzyki.
Jana adznačyła, što ŭ 2002 hodzie Suśvietnaja arhanizacyja achovy zdaroŭja
pryznała Biełaruś krainaj, svabodnaj ad polijamijelitu. Hety statut paćviardžajecca štohod.
Pry hetym Fisienka padkreśliła, što Biełaruś
nie abaroniena ad zavoznych vypadkaŭ zachvorvańnia, dla vyjaŭleńnia jakich «pracuje sistema nahladu, jakaja dazvalaje vyjavić i nie prapuścić nivodnaha vypadku polijamijelitu».
U Biełarusi, skazała Fisienka, sistema achovy zdaroŭja pracuje na apiaredžańnie: «My nie čakajem, pakul urač zapadozryć polijamijelit, a jak tolki źjaŭlajucca simptomy, jakija nie vyklučajuć heta zachvorvańnie, dzieci abśledujucca na infiekcyju ŭ abaviazkovym paradku. Štohod z vostrymi viałymi paraličami ŭ Minsku abśledujecca na polijamijelit da 20 čałaviek. Stanoŭčych vynikaŭ niama».
***
Polijamijelit — vysokainfiekcyjnaje zachvorvańnie, jakoje paražaje niervovuju sistemu. Na praciahu niekalkich hadzin moža vyklikać poŭny paralič. Virus traplaje ŭ arhanizm praz rot i razmnožvajecca ŭ kišečniku. Pieršapačatkovymi simptomami źjaŭlajucca vysokaja tempieratura, stomlenaść, hałaŭny bol, młosnaść, ryhidnaść šyi i bol u kaniečnaściach. Adzin z 200 vypadkaŭ infikavańnia pryvodzić da nieabaračalnaha paraliču (zvyčajna noh). Z takich paralizavanych 5—10% pamirajuć u vyniku imabilizacyi dychalnaj muskułatury.
U mai ŭspyška polijamijelitu adbyłasia ŭ Tadžykistanie. Zachvareli kala 300 čałaviek, 13 pamierli.
Kamientary