Prezident Biełarusi ličyć nieabchodnym istotna źnizić zaležnaść Biełarusi ad impartu ŭ śfiery farmaceŭtyki. Pra heta Alaksandr Łukašenka zajaviŭ siońnia na naradzie pa aktualnych pytańniach raźvićcia ajčynnaj farmaceŭtyčnaj haliny.
«Nieabchodna padtrymlivać razumny bałans pamiž impartam i ŭłasnaj vytvorčaściu ŭ hetaj śfiery», — padkreśliŭ kiraŭnik dziaržavy.
«Zadača ŭ tym, kab nie tolki navučyć našu farmaceŭtyčnuju pramysłovaść i miedycynu apieratyŭna reahavać na ŭźnikajučyja epidemičnyja pahrozy, ale i apiaredžvać paniku, nie dapuskać uzdymu cen na lakarstvy, maksimalna zadavalniać popyt nasielnictva na miedykamienty», — adznačyŭ Alaksandr Łukašenka. Metazhodnaść takoha padychodu dyktujecca intaresami hramadzian Biełarusi, nieabchodnaściu achovy ich zdaroŭja i źnižeńnia raschodaŭ na lakarstvy. «A pa‑druhoje, heta matyvavana intaresami dziaržavy: ekanomijaj valutnych srodkaŭ, racyjanalnym raschodavańniem biudžetu, padtrymkaj nacyjanalnych tavaravytvorcaŭ», — dadaŭ jon.
Kiraŭnik dziaržavy nahadaŭ, što jomistaść biełaruskaha lekavaha rynku pierasiahaje $600 młn. u hod. Ciapier amal 80 pracentaŭ hetaha rynku zajmajuć zamiežnyja preparaty. «Choć u raźvitych krainach aptymalnymi suadnosinami ličycca 50 na 50», — źviarnuŭ uvahu Łukašenka.
Jašče horš iduć spravy z vychadam biełaruskaj lekavaj pradukcyi na źniešnija rynki. «Havaryć pra abjom ekspartu ŭsioj farmaceŭtyčnaj pramysłovaści krainy ŭ $70‑75 młn. prosta soramna, — skazaŭ Alaksandr Łukašenka. — Taksama niesurjozna prykryvacca tempami rostu vytvorčaści ŭ 110‑111 pracentaŭ, kali dola ajčynnych lakarstvaŭ na ŭnutranym rynku nie pierasiahaje 20 pracentaŭ. Heta prosta mizer, uličvajučy mahčymaści kancerna «Biełbijafarm» i aktyŭny pakupnicki popyt na takuju pradukcyju».
Prezident adznačyŭ, što pieravažańnie impartu ŭ farmaceŭtycy toić u sabie pahrozu jak z ekanamičnaha punktu hledžańnia, tak i z pazicyi nacyjanalnaj biaśpieki (ryzyka niedastatkovaha zabieśpiačeńnia ludziej nieabchodnymi lakarstvami).
-
Hajdukievič paabiacaŭ zrabić u domie Pavuka ŭ Akciabrskim hramadskuju pryjomnuju svajoj partyi
-
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva
-
«Vidavočna, kolkaść skarocicca». Jak adabjecca na stanie Katalickaj carkvy zadumanaja ŭładami pierarehistracyja parafij?
Kamientary