U studzieni—sakaviku kožnaje piataje pramysłovaje pradpryjemstva było stratnym
U studzieni—sakaviku 2010 hoda dola stratnych pramysłovych pradpryjemstvaŭ u Biełarusi składała 20% ad ich ahulnaj kolkaści. Dla paraŭnańnia: za studzień—sakavik 2009 hoda dola stratnych pradpryjemstvaŭ składała 24% (486).
Jak paviedamlaje Nacyjanalny statystyčny kamitet, pa vynikach pieršaha kvartała hetaha hoda 404 pramysłovyja pradpryjemstvy spracavali z čystymi stratami na ahulnuju sumu 387,5 młrd. rubloŭ (u studzieni—sakaviku 2009 hoda — 408,8 młrd.). Najbolšyja sumy čystych strataŭ atrymali pradpryjemstvy čornaj mietałurhii (81,3 młrd. rubloŭ), mašynabudavańnia i mietałaapracoŭki (69,2 młrd. rubloŭ), paliŭnaj pramysłovaści (47,9 młrd. rubloŭ), chimičnaj i naftachimičnaj pramysłovaści (41,8 młrd. rubloŭ).
Rentabielnaść realizavanaj pradukcyi, rabot, pasłuh pramysłovych pradpryjemstvaŭ za pieršy kvartał 2010 hoda skłała 9,8% (za pieršy kvartał 2009 hoda — 8,1%), rentabielnaść prodažu — 7,5% (za pieršy kvartał 2009 hoda — 6,2%).
Vyšejšaja, čym u siarednim pa pramysłovaści, rentabielnaść realizavanaj pradukcyi, rabot, pasłuh była na pradpryjemstvach miedycynskaj pramysłovaści (33%), horna‑šachtavaha i harnarudnaha mašynabudavańnia (30,4%), padjomna‑transpartnaha mašynabudavańnia (21,5%), chimičnaj pramysłovaści (19,3%), harbarnaj, futravaj, abutkovaj (19,1%), charčasmakavaj (14,8%), traktarnaha i sielskahaspadarčaha mašynabudavańnia (14,4%), palihrafičnaj pramysłovaści (13,8%), aŭtamabilnaj (13,7%), pryborabudavańnia (13,3%).
Nižejšy, čym u siarednim pa pramysłovaści, uzrovień rentabielnaści realizavanaj pradukcyi, rabot, pasłuh skłaŭsia ŭ naftachimičnaj pramysłovaści (0,9%), šklanoj i farfora‑fajansavaj pramysłovaści (1,1%), čornaj mietałurhii (1,8%), lesanarychtoŭčaj pramysłovaści (2,3%), pramysłovaści budaŭničych materyjałaŭ (3%), mukamolna‑krupianoj i kambikormavaj pramysłovaści (5,2%), stankabudaŭničaj i instrumientalnaj pramysłovaści (6,2%).
Stratnaj była realizacyja ŭ celułozna‑papiarovaj pramysłovaści (minus 0,1%), padšypnikavaj (minus 3%), mikrabijałahičnaj pramysłovaści (minus 4,4%).
Kamientary