U Minsku abmiarkujuć stanovišča łatyšoŭ u Biełarusi i biełarusaŭ u Łatvii
U miežach vizitu łatvijskaj parłamienckaj delehacyi ŭ Biełaruś 17 maja adbudziecca sustreča ŭpaŭnavažanaha pa spravach relihij i nacyjanalnaściej Leanida Hulaki sa staršynioj kamisii pa mižnarodnych spravach siejma Łatvii Andrysam Bierzińšam. Udzieł taksama voźmie kiraŭnik łatvijskaha dyppradstaŭnictva ŭ Biełarusi Majra Mora.
Jak paviedamiła pres‑słužba aparatu ŭpaŭnavažanaha pa spravach relihij i nacyjanalnaściej, na sustrečy buduć abmierkavany pytańni, što tyčacca stanovišča łatvijskaj nacyjanalnaj supolnaści na terytoryi Biełarusi i biełarusaŭ u Łatvii, raźvićcia ŭzajemadziejańnia dziaržaŭnych orhanaŭ dźviuch krain u hetaj śfiery, a taksama akazańnia padtrymki suajčyńnikam z boku viedamstvaŭ.
U Biełarusi žyvie prykładna dźvie tysiačy łatyšoŭ. Stvorana hramadskaje abjadnańnie »Sajuz łatyšoŭ Viciebskaj vobłaści «Daŭhava». Pry abjadnańni dziejničaje škoła vychadnoha dnia, dzie vyvučajuć nacyjanalnuju movu, historyju i kulturu Łatvii. U Łatvii žyvie pryblizna 90 tysiač biełaruskich suajčyńnikaŭ. Stvorany Sajuz hramadskich abjadnańniaŭ biełarusaŭ Łatvii, jaki abjadnoŭvaje 12 rehijanalnych arhanizacyj biełarusaŭ. Pry bolšaści biełaruskich arhanizacyj stvorany tvorčyja kalektyvy. Dziejničaje Ryžskaja asnoŭnaja biełaruskaja škoła. Dziejnaść arhanizacyi aśviatlajecca na staronkach haziety biełarusaŭ Łatvii «Pramień».
Tvorčyja nacyjanalnyja kalektyvy Łatvii i biełaruskich suajčyńnikaŭ Łatvii źjaŭlajucca aktyŭnymi ŭdzielnikami i haściami roznych fiestyvalaŭ i śviataŭ u Biełarusi, u tym liku Respublikanskaha fiestyvalu nacyjanalnych kultur u Hrodnie, mižnarodnaha fiestyvalu »Słavianski bazar u Viciebsku», mižnarodnaha rehijanalnaha fiestyvalu »Dniaproŭskija hałasy ŭ Dubroŭnie» ŭ Viciebskaj vobłaści.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary