Nazvu novaha albomu "Dach" artyst patłumačyŭ tym, što jahony zapis zaniaŭ..."nu vielmi šmat" času.
...adbyŭsia ŭ sieradu 13 vieraśnia, napiaredadni vialikaha šoŭ u KZ "Minsk" 27 vieraśnia.
Lehiendarny bard vystupaŭ u skaročanym składzie - sam i hitaryst Edzik. Kamocki paabiacaŭ, što na vystupie ŭ "kazie" budzie poŭny elektryčny skład i navat dva bubnača - "iak u Afrycy".
Aleś pradstaviŭ słuchačam bolšuju častku novaha albomu "Dach". Nazvu prahramy artyst patłumačyŭ tym, što jahony zapis zaniaŭ..."nu vielmi šmat" času.
Kancert adkryŭsia pieśniaj "Prosta", u jakoj jość radki "Nam vielmi važna dobra pačynać, jašče važniej svoječasova skončyć".
Artyst adrazu paprasiŭ hledačoŭ dasyłać na papierkach pytańni i daścipna na ich adkazvaŭ. Voś niekatoryja prykłady:
- "Ci supadaje liryčny hieroj piesień z aŭtaram?" - "Niejak tak atrymlivajecca, što žyvu ŭ adpaviednaści sa svaimi pieśniami. I časam atrymlivaju za heta pa hałavie ad žyćcia".
- "Słuchać Vas adno zadavalnieńnie" - "A čamu tolki adno?"
- "Na Vašym kancercie šmat moładzi. Vy niedzie vykładajecie?" - "Viedajecie, ja na pracu nie chažu z 1988 hoda. U mianie niedzie lažyć dyplom filozafa..."
Aproč novaj prahramy Kamocki vykanaŭ hit "Noč z marozikam", ramansy na vieršy Ryhora Baradulina ("ia ich prydumaŭ, a jon zapisaŭ"), a taksama "Chavu Nahiłu", jakuju admysłova razvučyŭ dziela vystupu.
P.S. Aŭtar ščyra dziakuje kaardynataru JEKA Ludmile Darafiejevaj za vydatnuju arhanizacyju kancerta. Muzyčnyja viečaryny kłuba "Tchija" (jaŭr. "adradžeńnie") adbyvajucca kožnuju sieradu, a 18:30 u pamiaškańni Jaŭrejskaha Kulturnaha Abjadnańnia "Emunad" (jaŭr. "viera"), vuł. Viery Charužaj, 28. Daviedki pa telefonie 6-258-252.
P.P.S. Atrymać daviedki ab kancercie Kamockaha u KZ "Minsk", a taksama zamović kvitki možna pa teł. (017) 206-66-38, (029) 645-17-22
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj22
Kamientary