Učora ŭdzień u Salihorsku supracoŭniki kryminlnaha vyšuku prosta z zaniatkaŭ zabrali 15-hadovaha moładzievaha aktyvita Ivana Šyłu. Siońnia zranicy DAI pry vyjeździe z Salihorsku zatrymała mašynu pradprymalnika Ŭładzimiera Šyły, jaki razam z synam jechaŭ u Miensk na «Vialiki džynsavy fest».
Učora ŭdzień u Salihorsku supracoŭniki kryminlnaha vyšuku prosta z zaniatkaŭ zabrali 15-hadovaha moładzievaha aktyvita Ivana Šyłu, jaki zdybyŭ sabie słavu paśla červieńskaj haładoŭki pratestu moładzi. U pastarunku Ivanu skazali, što ŭzbudžanaja kryminalnaja sprava pa fakcie kradziažu hrošaj ŭ niejkaj žančyny 8 vieraśnia, a jon źjaŭlajecca hałoŭnym padazronym u hetaj spravie.
Ivan kaža, što milicyjanty błytalisia ŭ pastanoŭcy pytańniaŭ: «To ŭ ich kradziež adbyvaŭsia ŭ adnym klubie, to ŭ inšym. Ja nie chvalavaŭsia, bo dakładna viedaŭ, dzie , što i z kim u toj čas ja rabiŭ. 8 vieraśnia my adznačali Dzień biełaruskaj vajskovaj słavy. Taksama mianie pytalisia, ci nia viedaju ja taho ci inšaha demakratyčnaha aktyvista Ślihorsku, što da spravy, naturalna, nijak nie datyčyć».
Taksama učora ŭ Salihorsku byli zatrymanyja lider miasovaj supołki KCHP-BNF Aleh Boryn i moładzievy aktyvist Alaksiej Vałabujeŭ. Boryna vyklikali ŭ pastarunak, dzie i skłali pratakoł za drobnaje chulihanstva, a Vałabujeva padčakali la padjezdu jahonaha domu i zatrymali, kali Alaksiej viartaŭsia z pracy. Zaraz abodva znachodziacca ŭ milicejskim pastarunku. Jak kaža Ivan Šyła, sudy nad imi najchutčej adbudziacca ŭ paniadziełak.
Milicyjanty ŭčora jašče dziažuryli la domu Hleba Sandrasa, ale hety moładzievy aktyvist nia byŭ u toj čas u Salihorsku, tamu pravaachoŭnikam nie atrymałasia jaho zatrymać.
U subotu zranicy DAI pry vyjeździe z Salihorsku zatrymała mašynu pradprymalnika Ŭładzimiera Šyły, jaki razam z synam jechaŭ u Miensk na «Vialiki džynsavy fest». Padobnaja sytuacyja z Šyłam-starejšym adbyłasia na 26 krasavika, kali jany jechali na «Čarnobylski šlach». Ciapier baćka z synam znachodziacca ŭ pastarunku. Milicyjanty nie pravodziać ź imi nijakich razmovaŭ. Ivan Šyła kaža, što jany prosta marnujuć čas.
Vidavočna, što aktyvizacyja salihorskaj milicyi źviazanaja ź «Vialikim džynsavym festam». Vidać, była kamanda nie dapuścić rehijanalnych aktyvistaŭ u Miensk na akcyju.
❏
Na fota Ivan Šyła. Fota Julii Daraškievič
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary