Padrabiaznaści pra ŭčorašni prysud adnamu z rehijanalnych demakratyčnych lideraŭ Alesiu Čyhiru raskazvaje jahonaje žonka Danuta
Padrabiaznaści pra ŭčorašni prysud adnamu z rehijanalnych demakratyčnych lideraŭ Alesiu Čyhiru raskazvaje jahonaje žonka Danuta: «Učora a 18:00 da nas dadomu pryjšli milicyjanty. Jany skazali, što Aleś musić prajechać ź imi na sud. My adrazu aburylisia: čamu tak pozna, dzie paviestka. Na što milicyjanty adkazali, što im tak zahadali, a paviestki paprostu niepatrebnyja.
Aleś usio ž sabraŭsia jechać u sud, razam ź im pajechała i ja. Suddździa Natalla Čarapucha zapytałasia, ci pryznaje Aleś svaju vinu za ŭdzieł u niesankcyjanavanym pikiecie. Aleś skazaŭ, što, kali jany kvalifikujuć stajańnie ź plakatam, jak niesankcyjanavany pikiet, to sapraŭdy parušaŭ. Paśla byli zasłuchanyja śviedki ŭ spravie.
Urešcie Alesiu dali dziesiać sutak aryštu pa artykule 167 Administracyjnaha kodeksu «Udzieł u niesankcyjanavanym pikiecie». Sud doŭžyŭsia kala hadziny, tamu my vyjšli paśla vośmaj. Alesia adrazu pavieźli ŭ IVS, jon paprasiŭ milicyjantaŭ pa darozie zajechać dadomu, kab uziać ciopłych rečaŭ i nabyć u šapiku cyharetaŭ. Jany zhadzilisia. Zaraz voś źbirajusia iści da muža, pieradać jamu jakoj ježy, nia viedaju, jak atrymajecca». (Hutarka adbyłasia ŭ subotu a 13:00)
Nahadajem, što Alesia Čyhira asudzili za pikiet, jaki jon pravioŭ na hałoŭnaj płoščy Babrujsku 31 žniŭnia, jon pratestavaŭ suprać biespadstaŭnaha niepadaŭžeńnia kantraktu. Aleś pracavaŭ u škole nastaŭnikam hitoryi. Padčas akcyi ŭ apošni dzień leta jon prykuŭ siabie kajdankami da słupa.
Paśla sud nd Alesiem Čyhirom niekalki razoŭ adkładaŭsia, sudździa kazała, što nia moža pačać spravu suprać deputata haradzkoha savietu biez dazvołu Mahiloŭskaj prakuratury. Treba adznačyć, što 22-23 vieraśnia ŭ Babrujsku adbuducca ahulnanacyjanalnyja «Dažynki». Mahčyma, aryštam Čyhira haradzkija ŭłady sprabujuć pazbavicca ad niepažadanych elementaŭ, jakija niejkim čynam mohuć parušyć ahulnuju atmasferu radaści i viesiałości, jakaja musić być tymi dniami ŭ Babrusku.
Kamientary