Sam Ramančuk, i lider partyi Anatol Labiedźka zaznačajuć, što ŭsio vyrašycca 31 maja.
Kandydatam u prezidenty ad Abjadnanaj hramadzianskaj partyi budzie namieśnik staršyni partyi, ekanamist Jarasłaŭ Ramančuk. Pra heta paviedamiŭ Jeŭraradyjo kiraŭnik Minskaj abłasnoj filii AHP Uładzimir Malarčuk.
Tym časam kiraŭnictva Abjadnanaj hramadzianskaj partyi, pakul jašče sprabuje zachavać intryhu nakont taho, chto stanie partyjnym kandydatam na budučyja prezidenckija vybary. Pavodle apošniaj infarmacyi, raźmieščanaj na sajcie AHP, kančatkova vybar pamiž staršyniom partyi Anatolem Labiedźkam i jaho namieśnikam, ekanamistam Jarasłavam Ramančukom budzie zrobleny 31 maja.
Ale Uładzimir Malarčuk kaža, što imia budučaha partyjnaha kandydata — sakret Pališynela:
«Intryhi niama ŭžo — užo dakładna vyznačylisia, što budzie Ramančuk».
Pryčym ahulnapartyjnaha abmierkavańnia hetaha pytańnia nie było. «Heta tolki viarchuška partyjnaja vyznačyłasia — šarahovyja partyjcy jašče ničoha nie vyznačali», dadaje Malarčuk.
Radyjo Svaboda źviarnułasia pa kamientar da Jarasłava Ramančuka.
«31 maja ŭ 11:30 budzie prezientacyja kandydata ŭ prezidenty ad AHP i tam usio źviestki ŭžo buduć adkrytyja. Budzie prezientacyja taksama płatformy kandydata.
Heta prahrama «Miljon novych miescaŭ pracy«, jakaja idzie pad devizam «Stvarajem novaje — zachoŭvajem lepšaje«. Tamu nie chaču prosta raskryvać usie karty, zastałosia da hetaj padziei jašče 5 dzion».
Lider AHP Anatol Labiedźka dadaje:
«Jarasłaŭ maje absalutnuju racyju, kali kaža, što rašeńnie budzie pryniataje palitradaj 31‑ha. Naturalna, što, vidać, u mianie ź Jarasłavam jość kali nie kantrolny pakiet pa hetym rašeńni, to blizki da hetaha. Ale my nie možam padmianiać svaich kaleh — palityčnuju radu.
Tamu ŭsio što da 31‑ha — heta jość tolki viersii, asabistyja dumki kaho zaŭhodna. Ci heta siabra partyi, ci ekśpiert, ci prosta čałaviek z vulicy», cytuje słova Anatola Labiedźki Radyjo Svaboda.
***
Pra svoj udzieł u prezidenckich vybarach aficyjna zajavili lider ŁDP Siarhiej Hajdukievič, lider Ruchu "Za Svabodu" Alaksandr Milinkievič, sustaršynia arhkamiteta pa stvareńni BCHD Vital Rymašeŭski, eks-namieśnik staršyni Partyi BNF Aleś Michalevič, kaardynatar Chartyi'97 Andrej Sańnikaŭ, sacyjał-demakrat Mikałaj Statkievič.
Nie vyklučajuć mahčymaha ŭdziełu ŭ vybarach Alaksandr Kazulin i Uładzimir Niaklajeŭ. Miarkujecca, što svajho kandydata vyłučyć Partyja BNF - namieśnika staršyni partyi Ryhora Kostusieva.
Alaksandr Łukašenka pakul aficyjna nie abvieściŭ pra ŭdzieł u vybarach.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy1
Kamientary