Łukašenka: Abvinavačvać siońnia Bakijeva — heta biespryncypna
Alaksandr Łukašenka pa‑raniejšamu nie škaduje, što pryniaŭ źvierhnutaha prezidenta Kyrhyzstana Kurmanbieka Bakijeva. Pra heta jon zajaviŭ 27 maja na sustrečy sa studentami Mahilova i vobłaści.
«Na ADKB, paśla doŭhich dyskusij, u rašeńni było zapisana, što ŭ Kirhizii adbyŭsia niekanstytucyjny pieravarot i hetak dalej i da taho padobnaje. I potym Bardziuža, vy ŭžo ŭ ŚMI, napeŭna, bačyli, vymušany byŭ zajavić, što pazicyju prezidenta Biełarusi vymušany byli padtrymać usie kiraŭniki dziaržaŭ. Tam ceły kłubok, i abvinavačvać siońnia Bakijeva — heta biespryncypna», — skazaŭ Łukašenka.
Jon paviedamiŭ ab sustrečy prezidentaŭ na voziery Isyk‑Kul:
«Kurmanbiek Salijevič nas prymaŭ. Zusim niadaŭna było. Usio, jak naležyć, pa‑prezidencku. Toj ža Miadźviedzieŭ, Nazarbajeŭ — usie. Jak jon staraŭsia. Prezidenty ž taksama ludzi. Usie siadzieli, vypivali, kazali pryhožyja słovy, što tolki nie rabili. Praz dva miesiacy — nikomu nie patrebny. Kali idzie — advaročvajucca, vobrazna kažu. Pazvaniŭ — zaniaty, dzieści ŭ poli, ledź ci nie sieje sam na siejałcy. Tak było.
Jon mnie raskazvaŭ. Jon sapraŭdy ŭ nas, u Biełarusi. Ja daručyŭ jaho dastavić, jaho dastavili. Aeraporty byli zakryty, nieba było zakryta [z‑za vobłaka vułkaničnaha popiełu]. Dziakuj ukraincam, što jany tam nie artačylisia. My jaho svojeasablivymi mietadami na samalocie, na nizkich vyšyniach, ale my jaho dastavili ŭ Biełaruś. I nie tolki jaho, ale i jaho siamju, ź jaho maleńkimi dziećmi».
Łukašenka zaznačyŭ, što nijak nie moža «stać sapraŭdnym palitykam, jak usie palityki:
krakadziłavaja skura, zakaścianiełaja, siońnia heta tak, a zaŭtra pa‑inšamu, siońnia skazaŭ, a zaŭtra zabyŭsia». «U nas u palitycy heta norma. I vy, napeŭna, taksama čuli časta z maich vusnaŭ, što ja prychilnik ščyraj palityki, nakolki heta mahčyma. Ale ja nikoli ŭ brudnuju palityku nie hulaŭ, klanusia vam, nikoli. I, pa vialikim rachunku, nie maniŭ, asabliva publična. I ja nie chaču prymać tezis, što palityka — sprava brudnaja», — zajaviŭ biełaruski kiraŭnik.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary