Štraf na aktyvista nakłała DAI — jaho abvinavacili ŭ parušeńni praviłaŭ darožnaha ruchu 20 krasavika. Ale heta, na dumku apazycyjanera było tolki padstavaj dla zatrymańnia.
Apazycyjaner kaža, što supracoŭniki DAI zatrymali jaho nievypadkova — bo ŭ jaho pry sabie była videakaseta z zapisam, jak na budynku Kastryčnickaha RAUS vyviešvajuć ściah.
Padziei sa ściaham na pastarunku adbyvalisia 20 krasavika , kali ŭ rajadździeł pryvieźli zatrymanych viciebskich aktyvistaŭ, u tym liku Siarhieja Kavalenku, jakoha ŭ toj dzień musili sudzić. U Kastryčnicki rajsud jon pryjšoŭ pad bieł‑čyrvona‑biełym ściaham, što j stałasia pačatkam šmatlikich zatrymańniaŭ u Viciebsku.
Barys Chamajda zhadvaje, što na mašynie DAI jaho dastavili ŭ Čyhunačny RAUS i tut ža pry asabistym dahladzie znajšli i kanfiskavali videakasetu, jakuju jon mierkavaŭ schavać i paźniej pieradać žurnalistam. Na dumku aktyvista, za im sačyli, bo adrazu, jak tolki na budynku Kastryčnickaha rajadździełu źjaviŭsia ściah, na vulicu vyskačyli milicyjanty i pačali chapać aktyvistaŭ, jakija pryjšli daviedacca pra los zatrymanych raniej adnadumcaŭ.
Aficyjnuju papieru pra toje, što jon usio ž aštrafavany za parušeńnie praviłaŭ darožnaha ruchu, Barys Chamajda atrymaŭ tolki siońnia.
Praktyka zatrymańnia aktyvistaŭ z dapamohaj supracoŭnikaŭ DAI źjaviłasia ŭ Viciebsku niadaŭna. 6 traŭnia za padobnaje parušeńnie byŭ zatrymany siabar KCHP BNF Siarhiej Kavalenka. Kali jon nia staŭ admaŭlać svaje viny i prapanavaŭ adrazu zapłacić štraf, jaho zavieźli ŭ pastarunak, a potym, skłaŭšy pratakoł za niecenzurnuju łajanku ŭ hramadzkim miescy, adpravili ŭ izalatar časovaha ŭtrymańnia.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary