Hrodna maje ŭsie padstavy atrymać u budučym status horada‑muzieja. Pra heta paviedamiŭ u čaćvier na pres‑kanfierencyi ŭ Minsku namieśnik ministra kultury Biełarusi Tadevuš Stružecki.
«Što datyčycca Hrodna jak horada‑muzieja, ja liču, jon maje ŭsie padstavy dla atrymańnia hetaha statusu.
Horad vielmi cikavy ŭ histaryčnym płanie, i ŭsie muziei, jakija tam raźmiaščajucca, majuć nie tolki haradskuju, ale i ahulnarespublikanskuju značnaść. Ciapier inicyjatyva za horadam, a Ministerstva kultury tolki padtrymaje hetu ideju, bo nadańnie statusu horada‑muzieja — nie tolki fakt pryznańnia, ale i stymuł dla dalejšaha raźvićcia», — skazaŭ Tadevuš Stružecki.
Namieśnik ministra taksama nahadaŭ ab pierśpiektyŭnym biełaruskim prajekcie «Kulturnaja stalica hoda», u jakim zmohuć pryniać udzieł usie biełaruskija harady, jakija majuć dla hetaha padstavy. «Užo jość vopyt praviadzieńnia anałahičnaha jeŭrapiejskaha prajekta pad nazvaj «Kulturnaja stalica Jeŭropy». Zvańnie kulturnaj stalicy Biełarusi pavinna stymulavać harady dla raźvićcia, u Hrodna jość usie šancy atrymać status «Kulturnaja stalica hoda» ŭ nastupnym hodzie abo praz hod, i heta dapamoža jamu nie tolki maksimalna pradstavić palitru isnujučych kulturnych mierapryjemstvaŭ, ale i stvaryć novyja», — ličyć Tadevuš Stružecki.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary