30‑hadovamu žycharu Žłobina pradjaŭlena abvinavačańnie ŭ zhvałtavańni, jakoje mieła vynikam naniasieńnie ciažkich cialesnych paškodžańniaŭ (č. 3 art. 166 Kryminalnaha kodeksa Biełarusi).
Jak paviedamiŭ staršy śledčy prakuratury Žłobinskaha rajona Ihar Trypućka, 12 maja viečaram na haradskich mohiłkach paśla sumiesnaha ŭžyvańnia śpirtnych napojaŭ zhadany mužčyna žorstka zhvałtavaŭ 20‑hadovuju miascovuju žycharku, vyrvaŭšy častki ŭnutranych orhanaŭ.
Mužčyna pakinuŭ na mohiłkach achviaru, jakaja sychodziła kryvioju, da ranicy nastupnaha dnia. Potym viarnuŭsia i adnios jaje da siabie dadomu. Tam dziaŭčynu znajšli jaje baćki i vyklikali chutkuju dapamohu. Z balnicy pryjšło paviedamleńnie ŭ milicyju.
Dziaŭčyna kala tydnia pralažała ŭ reanimacyi, na hety čas pahrozy jaje žyćciu niama, ale jana pa‑raniejšamu znachodzicca ŭ balnicy.
Nastupnym dniom paśla zdareńnia pravaachoŭnyja orhany zatrymali padazronaha. Mužčyna ŭžo adbyvaŭ pakarańnie za takoje złačynstva, učynienaje ŭ dačynieńni da svajoj byłoj žonki. U 2004 hodzie jon byŭ pryhavorany da šaści hadoŭ i šaści miesiacaŭ pazbaŭleńnia voli, ale byŭ vyzvaleny daterminova pa amnistyi.
Złačyncu pryznačany kompleks psichijatryčnych ekśpiertyz, jon raskajaŭsia ŭ tym što zrabiŭ i daje pryznaŭčyja pakazańni. Zhodna z Kryminalnym kodeksam mužčynie pahražaje ad 8 da 15 hadoŭ pazbaŭleńnia voli.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary