U Voršy na «Lapisaŭ» pradali tolki tracinu kvitkoŭ — kancert admianili
Adździeł kultury byŭ vymušany spynić vuličnyja dyskateki, na jakija spadziavaŭsia jak na krynicu prybytku. A ŭčora «praź niesumlennaść arhanizataraŭ» admianili i kancert hurtu «Lapis Trubieckoj».
Cykł vuličnych dyskatek pad ahulnaj nazvaj «Marusia» byŭ zaplanavany na čas z 24‑ha pa 30‑ha traŭnia. Ale aršancam pryjšłosia nia nadta daspadoby płacić za kvitki pa 10 tysiač rubloŭ — moładź tančyła za miežami tancpołu, bo moc dynamikaŭ heta dazvalała.
Zatoje skarhi ŭ adździeł kultury pačalisia ad žycharoŭ bližejšych da haradzkoha parku damoŭ, jakim dyskateki da 11‑j hadziny nočy zaminali adpačyvać. Urešcie 26 traŭnia kala tancpołu raspačałasia vialikaja bojka, i heta stała hałoŭnaj padstavaj spynieńnia «Marusi» — sproba vyvieści sučasnuju dyskateku na vulicy Voršy skončyłasia poŭnym pravałam.
27‑ha traŭnia skandał razhareŭsia vakoł kancertu «Lapisa Trubieckoho», jaki mieŭsia prajści na haradzkim stadyjonie.
400 čałaviek, jakija nabyli kvitki, u apošni momant daviedalisia, što impreza admienienaja.
U adździele kultury kažuć, što zryŭ kancertu adbyŭsia ź viny arhanizataraŭ — niadaŭna zarehistravanaha ŭ Voršy PUP «Šoŭ‑kancert»: było mała afišaŭ i reklamy, tamu pradać udałosia tolki tracinu kvitkoŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary